Ubushikiranganji bw’umutekano w’Uburundi bumenyesha ko gushika kw’igenekerezo rya 31 Myandagaro uwu mwaka, abagendesha imiduga bazoba batararonka uruhusha rukozwe mu buhinga bwa none, ko bazohanishwa ihadabu ry’amafaranga ibihumbi bibiri ku musi, gushika baronse urwo ruhusha.
Nk’uko biri mw’itangazo ubwo bushikiranganji bwasohoye kuri uwu wa kane igenekerezorya 28 ruheshi uyu mwaka wa 2017.

Ubushikiranganji bw’umutekano bwaheruka kwongereza ikiringo c’ukurondera impusha zo mu buhinga bwa none z’ukugendesha imiduga (Permis de conduire biometrique), gushika kw’igenekerezo rya 31 Myandagaro 2017. Inyuma y’iryo genekerezo, abazoba batararonka izo mpusha bakazotangisha ihadabu (Amande) ku munsi ku munsi.