Umukuru w’idini rya Angirikane kw’isi, Musenyeri Justin Welby yatanguye urugendo rwo ku mugabane wa Afirika ruzomara imisi itanu, akaba yamenyesheje ko muri urwo rugendo rwiwe azokwitararika impunzi, yongere agendere n’ikambi z’impunzi zo mu gihugu ca Uganda.
Amakuru ava mu Bwongereza amenyesha ko urugendo rwa Justin Welby rujanye no kugarukana ubumwe, hamwe n’ibibazo biri mw’idini rya Angirikane bijanye n’abaryamana basangiye ibitsina.

Mwomenya ko mu mwaka uheze, umukuru wa Angirikane mu gihugu c’Ubuganda Stanley Ntagali, yasohotse mu nama nkuru yari yateguwe n’iryo dini inyuma y’ingingo ya Angirikane muri Amerika yari ihejeje kwemezwa ko bazoraganisha abakundana basangiye ibitsina.