Ishirahamwe rijejwe gutwara abantu n’ibintu (OTRACO) rimenyesha ko amafaranga yahora atangwa mu gusuzumisha ubuhinga bw’imiduga (Control technique) yadugijwe.

Nk’uko biri mw’itangazo ryasohowe na OTRACO, ayo mahera yadugijwe uku gukurikira. Imodoka (voiture, Jeep hamwe na camionnette) zizotangishwa amafaranga ibihumbi 50.

Imodoka yo mu bwoko bwa « Bus » ikazotangishwa amafaranga ibihumbi 35, ikamyo ipima hagati y’itoni 3 na 15 ikazotangishwa ibihumbi 70, mu gihe iyirenza itoni 15 izotangishwa ibihumbi 100.

Ipikipiki ikazotangishwa ibihumbi 10 mu gusuzumisha ubuhinga.

Iryo tangazo rirangiza rimenyesha ko iryo tegeko rizotangura kuja mu ngiro kuva kw’igenekerezo rya 1 Nyakanga 2017, ayo mafaranga akazorihirwa mw’ibanki Bancobu kuri konte 03421120101-51.