_

*Umusi mukuru w’ubutatu bweranda*_*Igisomwa ca mbere*

*Ivyo dusoma mugitabu c’ubwitonzi*

Umve ingene ubwitonzi bwivuga amazina.Umukama yandemye kuva mu matangura,ata kintu na kimwe kirabaho. Aho navuka ntanyenga zari bwabeho,nta ma soko y’amazi yariho.Navutse imisozi itarashingwa,udutumba tutaratutuza. Navutse isi n’imirambi atarabirema, ata n’udutete tw’ivu turabeho. Aho yaringaniza ijuru, aho yaca imbibe z’inyenga, narabona. Aho ibicu vyatangura kureremba iyo hejuru,aho yegeranya amazi akayaha amasoko, aho yazigira ibiyaga ku nkombe zavyo,agashinga itegeko ko amazi atazorenga izo mbibe, aho yatera inkingi isi,naramufasha meze nk’umuhinga. Imisi yose nari iruhande yiwe mvuna isambwe,isi nkayimara nigina,ngahimbagwa n’ukubana n’abana b’abantu.

*Igisomwa ca kabiri*

*Ivyo dusoma mw’ikete umutumwa Paulo yandikiye abanyaroma.*

Ncuti zanje:

None rero,ko ukwemera kwatugize intungane, tu rafise amahoro ku Mana kubw’umukama wacu Yezu kristu. Niwe yaduhaye ukwemera kudushikiriza rya soko ry’urukundo rudutembamwo; Maze turahimbawe kuko twizigiye ubuninahazwa bw’Imana. None rero sivyo bisa:Turahimbawe no mubitugora,tuzi neza ko ibitugora bizana ubwiyumanganyi, ubwiyumanganyi nabwo bukazana ukurinda,ukurinda kukadufasha kwizera.Nawo uwo mwizero ntutetereza, kuko mutima mweranda twahawe yashize mu mitima yacu urukundo rw’Imana.

*INKURU NZIZA*

Alleluya,Alleluya.

Haninahazwe Data Mwana na Mutima mweranda!

Haninahazwe Uwuriho, Uwamyeho n’Uwugira ng’aze!

Alleluya.

*Ivyo dusoma mu njili nyeranda yanditse Yohani*

*Mu gihe yari mukuva kuri iyi si ngo asubire kwa se wiwe, Yezu yabariye abigishwa biwe ati: »Ndacari n’ibindi vyinshi nobabwiye,ariko ubu ntimwoshobora kuvyakira.Aho mutima nyakuri azozira, azobahishuka ukuri kwose; nkako,ntazovuga ivyiwe, azobabwira ivyo azoba yumvise, agireko ababarire ibizoza.Aho nyene ni jewe azoninahaza, kuko azobabwira ivyo akuye iwanje. Ivyo Data afise vyose ni ivyanje; nico gituma nababwiye nti: Ivyo azoba akuye iwanje nivyo azobamenyesha ».*