CHAPITRE 21. Verset 6″…..Ūfise inyota »bisobanurwa ngo:Ijuru ni iry’abo bazi ko imitima yabo yabomowe,yononekajwe, yumijwe n’icaha(leurs âmes desséchées par le péché),bakarondera vy’ukuri umunezero w’agakiza(le Salut)hamwe n’ubuzima budashira(la vie éternelle)cf Zaburi 42:1-2;Yesaya 55:1-2;Yohana7:37-38. « …..amazi y’ubugingo »:Gereranya Ivyah 7:17;22:1,17.Ni amazi y’impwemu atazoshira,atazohera ni yo Kristo yāvuze(Yohana 4:13-14;7:37-38;cf Yesaya 55:1-2). Verset 7″Ūnesha »:Cf 1Yohana 5:4-5.Umuntu wese azozigama,azogumana ukwizera(la foi)muri Kristo(rāba Ivyah 2:7). « ….azoragwa ivyo »bisobanurwa ngo:Ni umwandu w’impwemu(héritage spirituel)abizera bose bazokwakira,bazoronka(1Petero 1:4;cf Mat 25:23)uzoba wuzuye,unengesereye mw’irema rishasha(nouvelle création)cf Rom 8:16-17. Versets 9-10″…..ati Ngwino nkwereke umugeni,umugore wa wa Mwagazi »bisobanurwa ngo:Yerusalmu musha(la nouvelle Jérusalem)uzojamwo abantu bawo,abacunguwe(les rachetés)rāba Ivyah 21:2;19:7-9. Verset 16″ ….uburebure bw’umurambararo n’ubwaguke n’uburebure bw’igihagararo birangana »bisobanurwa ngo:Igisagara(la ville)kizoba gifise dimensions zingana impande zose ya cube ingana(cf 1Abami 6:20). Verset 22″Kandi sinabonye urusengero »bisobanurwa ngo:Ngaha biragaragarako hatazobaho urusengero(temple).Urusengero ruzoba ari Umwami Mana ubwiwe.Ivyah 7:15 havuga hati »kand’Ivyagiye kur’irya ntebe izosanza ihema ryayo hejuru yabo ». Ivyah 21:23 harabandanya(continues)iciyumviro ko ata rusengero,kiretse Imana hamwe n’Umwagazi.Ntihazoba hakenewe urusengero mu gihe kidashira kubera ko Imana yonyene ni yo izoba urusengero mu kintu cose kizoba kiriho(cf Ivyah 20:3). Verset 24″Kand’amahanga azogendera mu muco wawo »bisobanurwa ngo:Abantu bacunguwe bava mw’ihanga ryose(every nation),umugwi w’ubwoko(ethnic group)bwose bw’abantu bazokwibera mu muco(light)w’ijuru.Mu gisagara gihoraho(in the eternal city),ntihazobaho kandi ugucanamwo,ukwivangura(divisions),inzitizi,imbibe(barrières,ou barriers).Amahanga y’ubwoko bwose mu gihe gihoraho azocika,azohinduka abantu b’Imana,kandi bazokwinjira mu mwidegemvyo(freely),kandi bazogendagenda, mu gisagara.📖