UMUTUMIRO W’AMASENGESHO YO KUWA 01/07/2016. Bene Data,ncuti bakundwa,shalom, Twagomba twibukanye ko aho bukera kw’igenekerezo rya 01/07/2016,Dufise igikorwa kidasanzwe c’amasengesho azomara amasaha 24,n’ukuvugako azotangura isaha 06h z’igitondo le 01,gushika 06h za le 02 bukeye bwaho.Tuboneyeho n’akaryo ko kubibutsa ko bihuriranye n’uko iyo talike nyene tuzoba twibuka ukwikukira kw’Igihugu cacu,naho bir’uko twibukeko kuva imbere canke inyuma y’uko Igihugu cacu kironka Intahe y’Ukwikukira gushika n’ubu,Igihugu cacu cagiye kirangwamwo amarira,indyane z’amakoko,z’imigambwe,ubwicanyi ndengerabutungane,ugusahura,ukwangazwa,ugutotezwa,ugupfungigwa ubusa,inzara,ubukene,n’ayandi mabi menshi! Ni mur’iyo ntumbero twahisemwo kwama turirira Imana,kubw’Isezerano ryayo ridahinduka,ngo Itabare Igihugu cacu! Urufatiro rw’ayo masengesho:<INKOMEZI ZIVA K’UHORAHO.>Yesay 40:31;<arikw’abiteze Uhoraho bazokwama biyubura mu nkomezi nsha,bazodugish’amababa nk’inkukuma,biruke ntibaruhe,bagende ntibadendebukirwe.> Imitwaro:
1,gusengera Igihugu ngo gitabarwe. 2;gusengera Indongozi z’Ihanga ry’Imana, 3,gusengera abadiyakoni bose, 4;gusengera abari mu bibazo bitandukanye:nk’abapfunzwe,abangajwe,n’imiryango yabo,tutibagiye n’abagwaye. Tukaba tubaye turabashimira ku kigoro twama twagize mu kwinginga Imana,Murakoze cane,ni hahangame Imana,Uburundi n’Isezerano,murakoze. Bigiriwe i Bujumbura le 30/06/2016. ABISEZERANO.