Nkuko biri mu rwandiko rwateweko umukono n’umuyobozi w’ivyigwa mw’ishuri kaminuza nderabigisha ENS Dr Simon BISORE abo banyeshuri bagirizwa ko batitavye akamo batewe n’ubuyozi ko gusubira mw’ishuri kw’igenekerezo rya 28 Ndamukiza umwaka wa 2017.
Abo banyeshuri basanzwe biga mu bisata vy’indimi, igisata bigisha akahise, igisata bigisha ibiharuro , hamwe n’ibisata bigisha ubuhinga bwo kwubaka no gutunganya umuyagankuba.

Iyo ngingo yo kwirukana abanyeshuri bamwe muri kaminuza nderabigisha ENS , ifashwe inyuma y’ikiringo kidashika ukwezi abanyeshuri basubiye kwinjira mu mashuri, inyuma y’iminsi yari iheze bahagaritse ivyigwa basaba ko itegeko rishasha rigenga agafashanyo gahabwa abanyeshuri risubirwamwo.