Indege yarimwo abantu barenga ijana yaburiwe irengero muri Burma nubu iracarondegwa.
Ubutegetsi bw’igihugu ca Burma bumenyesha ko atawuzi irengero ry’indege ya gisirikare y’igihugu ca Burma bivugwa ko yari itwaye abantu 105, hamwe n’abagera kuri 11 bakora muri iyo ndege.

Igisirikare c’igihugu ca Burma kivuga ko iyo ndege yagurukira hagati y’igisagara ca Myeik kiri mu bumanuko na Yangon (Rangoon). Iyo ndege yazimanganye igeze ku birometero 32 mu burengero bw’igisagara ca Dawei, hejuru y’ibahari Andaman.

BBC dukesha iyi nkuru ivuga ko ibikogwa vyo kurondera iyo ndege hamwe no gutabara bibandanya.