OUmugambwe FNL urongowe n’umushingamateka a Agathon RWASA usaba ko abanywanyi bawo bahagaritswe barekurwa ata gisabwe,kuko ata kindi bazira Atari kuba bagumye ari abanywanyi b’umugambwe FNL urongowe n’umushingamateka Agathon RWASA.
Mw’itangazo ryashizwe ahabona na Aime MAGERA avugira umugambwe FNL urongowe n’umushingamateka Agathon RWASA,umugambwe FNL umenyesha ko uhagaritswe umutima n’abanywanyi bawo bahagarikwa isakisaki mu ntara zitandukanye z’igihugu.

Muri iryo tangazo,umugambwe FNL urongowe n’umushingamateka Agathon RWASA uragaruka ku mazina y’abanywanyi b’umugambwe bamaze guhagarikwa :

Mu ntara ya Gitega ni:NZAMBIMANA Edouard na Jean Paul NDUWARUGIRA, mu ntara ya Bururi naho ni : NDUWAYO Bernard aserukira umugambwe muri komine Matana, na GATORE Bernard umubitsi w’umugambwe muri komine Matana nyene.