Abimukira bashika kuri 52 nibo bapfiriye hafi y’ubugararwa bwo muri Seguedine mu karere ko hagati gashira ubuseruko bw’igihugu ca Niger, inyuma yaho abajejwe kubajabura babataye kubw’ugutinya abajejwe umutekano.
Abo bimukira bose bangana 72 bagifata urugendo ariko baza gutabwa mu nzira n’abari bajejwe kubashikana iyo baja, kuko batinya ko bashobora gufatwa n’abajejwe umutekano mu karere ka Seguedine.

Abajejwe umutekano bo muri Niger bamenyesha ko hariho abandi bimukira bariko bavurirwa kw’ivuriro ryo muri Seguedine.