Umufaratiri Marc NIBASUMBA avuka muri paruwasi ya Kayogoro Diyoseze ya Rutana yaraye yiyahuye kuri uwu w’Imana akoresheje ikiziriko, mu gihe yari mu buraro bwiwe muri seminari ntoyi y’i Mpika muri Diyoseze ya Rutana, aho yari asanzwe arangurira ibikorwa vyo kwitegurira kuzoba Patiri.
Amakuru atangwa n’abegereye iyo seminari avuga ko Marc NIBASUMBA yiyahuye mu gihe abo babana muri seminari ntoyi y’i Mpika bari bitavye ibirori vyo kwimika abasaseredoti n’abadiyakoni bashasha vyabereye kuri Paruwasi y’i Butwe, i Matana muri Diyoseze ya Bururi.

Amakuru ava ku begereye Faratiri Marc NIBASUMBA avuga ko yari asanzwe afitaniye ingorane n’umuryango wiwe, ko vyoba biri mu vyatumye yiyahura.

Faratiri Marc NIBASUMBA yari ahejeje icirwa ca « Philosophie », akaba yagira atangure « Theologie ».