Kenya yahagaritse gukoresha amashashi ya plasitike

Umwanda uturutse ku mashashi ya plasitike ni ikibazo gikomereye ibihugu vyinshi by’Afurika

Icyemezo cyo kudakoresha amashashi ya plasitike cyatangiye gukurikizwa muri Kenya, bivuze ko uwafatwa acuruza, akora cyangwa ayafite yacibwa amande y’amadolari y’Amerika ibihumbi 38 cyangwa agafungwa imyaka 4.

Leta ya Kenya ivuga ko guca ikoreshwa ry’amashashi ya plasitike bizafasha mu kubungabunga ibidukikije.

Ariko inganda zikora ayo mashashi zo zivuga ko abantu bagera ku bihumbi 80 bashobora

Ku wa gatanu, urukiko rwanze icyifuzo cy’abasabaga ko amashashi ya plasitike atacibwa.

Inka zo muri Kenya akenshi zisanganwa amashashi ya plasitike mu nda yazo igihe ziri kubagwa

Bivugwa ko Abanyakenya bakoresha amashashi ya plasitike miliyoni 24 buri kwezi.

Bimwe mu bihugu by’Afurika byamaze guca ikoreshwa ry’amashashi ya plasitike. Birimo u Rwanda, Mauritania na Eritrea.

Umunyamakuru wa BBC uri mu murwa mukuru Nairobi, aravuga ko icyo cyemezo gisa nk’ikiri kubahirizwa mu maduka manini aho abakiliya bari kugurishwa ibindi byo gutwaramo ibyo bahashye, bakariha amashilingi 10.

Ariko aravuga ko abacuruzi bo mu isoko ry’inyama bo bakomeje gukoresha amashashi ya plasitike.

Iyi ibaye inshuro ya 3 mu myaka 10 ishize Kenya igerageza guca ikoreshwa ry’amashashi ya plasitike.

Publicités