Ndabaramukije amahoro y’Imana Data wa twese mw’izina rya Yesu Kristo Umwami n’Umukiza wacu.Ndashimiye Imana cane ko impaye aka kanya ngo dusangire ijambo ry’Imana.

Dusome Ivyah.4:1
✍ngo:

*Hanyuma y’ivyo ndavye mbona mw’ijuru urugi rwuguruye, kandi rya jwi nabanje kwumva rivugana nanje ari nk’iry’inzamba rirambarira, riti Duga uze hano, nkwereke ibikwiye kuzobaho hanyuma y’ivyo*

*K’umugororotsi ijuru rizokwama ryuguruye*
➡Mwene Data uyu yari umukozi w’Imana Yohana umwe mu ntumwa yama mugikiriza ca Yesu yari yatawe mu kizinga ca patimos ahogwa gushingira intahe Yesu .

⏺Mwiyerekwa rya mbere Yohana yeretswe n’ivyete vyerekeye Amashengero uko ameze muri iki gihe 

⏺Ukwerekwa gukurikira kwerekeye kazoza k’Ishengero n’isi. 

⏩Iyo kenshi tuvuga isi tuba tuvuga abantu bayituyeko mugabo batarakira Yesu ngo bagire ivyizigiriro vyo mwiherezo ryabo.

➡Yohana naho mu kizinga patimos atari yorohewe mubikorwa vy’umuruho vyo kumena amapave,kuba wenyene atabona Ishengero ntiyigeze yidodomba canke ngo yihebure usomye mugice ca mbere( Ivyah.1,9-11)

➡Ari muri Mpwemu n’ukuvuga arengeye ya mibabaro ya solitude ngo abona ijuru ryuguruye. Haleluuuuuya.

Iyo umuntu agororokeye Imana atajwi rimwagiriza ikibi nkuko Paulo yavuze:

*Ni co gituma na ntaryo nkobereza kugira umutima utanyagiriza ikibi ku Mana canke ku bantu* (Ivyakoz.24,16 )

yabonye ijuru ruguruye.

➡Usomye Itang28,16-17Yakobo yabonyeImana irikumwe nawe .

➡Ezekiyeli nawe yabonye ijuru ryuguruka abona ivyo yeretswe bivuye ku Mana.(Ezk1,1).

➡Yesu nawe amaze kubatizwa aca va mu maz’ijuru riruguruka (Mat3,16)

➡Stefano bariko bamutera amabuye yihanganiye abayamutera abasabiye neza kandi bariko bamwica abona ijuru ryuguruye (Ivyakoz.7,55-56.).

➡Petero nawe yabonye ijuru ryugurutse abona ikintu kimeze igihuzu kininiya kirimwo ibintu vyinshi vyibikoko yumva ijwi rimubwira riti va hasi ubage urye.(Ivyakoz.10,11)

⏩Mwene Data nagira ndakubwire niwaba ugororokeye Imana naho woba mubikomeye mbere no mu rupfu naho urazi ko arirwo rusumba ibindi mubiteye ubwoba abantu Ijuru rizokwama ryuguruye❗Haleluuuuuuya❗

*Ikibazo*

1⃣NONE URAGOROROTSE IMBERE Y’IMANA❓

2⃣MBEGA UYINTAKAMBIYE WUMVA NEZA UDAKEKERANYA KO YO KUBWIRA ITI DUGA UZE HANO CANKE ITI HUMURA❓

⏺Ndakugira inama 

1⃣wiyeze 

2⃣witunganye muburyo bwose 3⃣wirinde uburyo ugenda

4⃣Ubere maso ubugingo bwawe

✅Kugira nawe niwasenga canke niwatakambira Imana ijuru rizokwuguruke.

Yesu aragukunda ❤yanka ivyaha vyawe gusa Yesu aguteze ibiganza 🙌. Imana iguhezagire Amen.