Ibiziga vy’abasirikare ba Congo baterewe mwi kanevu

Ibikoho bikomakomeye bikomeza kwumvikana mu karere k’ubuseruko gahana urubibe n’igihugu c’uburundi. Naho ibinyamakuru vy’amahanga mukuvuga izo nkuru bidafobora kandi ngo bivuge uko ibintu biriko biragenda neza na neza, amafoto yoyo yerekana ibiziga vyabahitanywe niyo mirwano aguma acanacanako kubuhinga ngurukana bumenyi.

Ico ni ikiziga c’umugore yahitanywe niyo mirwano.

Inyeshamba zateye ikivuko co mu gisagara ca Uvira muri Kivu yo mu bumanuko mu buseruko bw’igihugu, ku nkengera z’ikiyaga Tanganyika.

Igisirikare ca Repubulika Iharanira Intwaro rusangi ya Congo (RD Congo), cavuze ko inteko zigwanira mu mazi zagwanye zisubiza inyuma abagwanyi b’aba Mai Mai, bashitse muri ako karere bari mu mato y’imoteri.

Inteko za Onu zafashije mu gutanga indege yo mu bwoko bwa kajugujugu, yatumye abo bagwanyi bomogwa mu bigwati bihegereye.

Umukuru w’izo nyeshamba yavuze ko agwanya Prezida Joseph Kabila, yagumye ku butegetsi ikiringo ciwe carangiye.

Bivugwa ko abo ba Mai Mai aribo bari mu bucuruzi budaciye mu mategeko bw’inzahabu, bukoregwa mu karere k’ikiyaga Tanganyika.