Abisezerano

Général Major Jean Félix ntiyahiritse inzego za FNL ya Isidore Nibizi na Aloyse Nzabampema nkuko uwasomye itangazo yabimenyesheje.

Lien Ihanga ry-Imana

Général Major Jean Félix ntiyahiritse ubutegetsi bwa FNL nkuko vyashikirijwe muri video yashikirijwe kuri Facebook na #CLUB DES DÉMOCRATES 5/1/2018. Kandi audio yiyo video agahanahanwa kuri whatsapp. Bene iyo vidéo na audio ni irementanya rifatatanije nidendekeranya bidahagaze kukuri. Mu minsi muzomenya ukuri.

« NGO AMBASSADEUR NIYIBIZI ISIDORE YABOGOJWE MU BURONGOZI BWA FNL UKORESHA UMUHETO MU GIHE KANDI GENERAL NZABAMPEMA ALOIS NGO YAKUWE MU MABANGA Y’UBUKURU BW’INGABO.

Nk’uko twabirungiwe n’abavuga ko aribo baramutswa umugambwe FNL ukoresha umuheto kuri uyu wa 5/1/2018 ,HAVYARIMANA OSCAR niwe yasubiye Ambassadeur NIYIBIZI Isidore ku burongozi bw’umugambwe maze General Major Nzabampema Alois asubirirwa na Général Major Ntahonkuriye Felix Jean ku burongozi bw’ibiro bikuru vy’ingabo za FNL.

Mw’itangazo ryasomwe n’uwuvuga ko ariwe arongoye ibiro bikuru vya FNL ,Général Major Ntahonkuriye Felix Jean ahanini ryagiriza abo bari barongoye umuhari FNL ko bakorana n’umwansi kandi bakaba bamena amabanga atandukanye.Ivyo mubisanga haba mw’itangazo yateyeko igikumu canke mw’isanamu ya video twarungitse ku mbuga z’abasomyi bacu no kuri bape ya facebook #CLUB DES DÉMOCRATES #.

N’aho biri uko General Major Nzabampema Alois n’aho ataco arashikiriza ku mugaragaro afata abo bashikirije iryo tangazo nk’abagulutsi bakoreshwa n’umwansi.Avuga ko abo bagumutsi bari bamaze igihe kitari gito barakuye meza kandi ko we n’abanamarimwe nyabo babandanya urugamba rwabo ukuri kwamye.

Ivyo muri FNL tubikurikiranira hafi ;n’umugambwe wagize ibibazo vyinshi mu gususurwa mwo udushamishami twubakiye ku nyungu za bamwe bamwe mu burongozi bagiye barigaragaza mu bihe butandukanye. Ku bijanye n’izo mpande zibiri zitandukanye tuzobaha ido ido ku vyatumye batandukana ahanini bitanajanye n’ivyo impande zagirizanya ubwabo. »

Iryo tangazo nkuko ryashikirijwe na « Club des Démocrates  » rirerekana yuko muri iyo FNL imwe muri zitanu zisanzwe ziri mu gihugu harimwo ubusimbirahamwe, imigwi y’abasuma n’abatagira intumbero y’iragi barazwe. Ivyo navyo Général Major Jean Felix ntashobora kuvyihanganira ngo agendane n’impumyi za politike, injavyi n’abatagira intumbero.