Ubutegetsi bwa Mali buvuga ko umwiyahuzi yiturikirije hafi y’ikambi y’igisirikare hapfa abasirikare bane.

Abandi bantu bikekwa kuba intagondwa z’aba Islamu bashitse kuri iyo kambi ku mapikipiki, bamwe muri bo barasa za roketi.

Ku munsi wa gatandatu, abasirikare 14 barishwe mu kindi gitero c’intagondwa z’aba Islamu mu buraruko bw’igihugu.

Iminsi ibiri imbere yaho, hafi abasivile 30 barishwe muri Mali ya hagati.

Ibitero vy’aba Islamu vyariyongeye muri ano mezi arangiye, naho ico gihugu gifashwa n’abasirikare bavuye hanze mu vy’umutekano.