Ikigo Nelson Mandela Foundation citwaye muri sentare gisaba ko abantu muri Afrika y’epfo batosubira gushira ahabona ibendera ryo ku ntwaro karyanishamiryango ya apartheid.

Ico kigo gishaka ko sentare ijejwe uburinganire mu gihugu yosohora itegeko ryemanga ko kwerekana iryo bendera ari agasomborotso gafatiye ku macakubiri y’urukoba.

Mu kwezi kw’icumi mu mwaka uheze abazungu b’Abanyafrika y’epfo bagiye mw’ibarabara bitwaje iryo bendera ry’amabara y’umucungwe, umweru hamwe n’ubururu, mu rugendo rwo kwiyamiriza ubwicanyi bw’aborozi b’abazungu.

Ikigo Nelson Mandela Foundation kibona ko iryo bendera rikubiyemwo isanamu y’umubabaro amamiriyoni y’abirabura bo muri Afrika y’epfo, bashizwemwo n’intwaro ya apartheid.