Umuganwa wo mu Bwongereza Harry yambitse impeta umupfasoni wiwe Meghan mu birori vyabereye mu misa, yabereye mw’isengero rya St George riri i Windsor.

Ibirori vyitabwe n’abo mu muryango w’ibwami, hamwe n’abandi batumire bashika 600 bavuye mu bice bitandukanye vy’isi.

Muri abo batumire, harimwo Oprah Winfrey, George na Amal Clooney, umukinyi rurangiranwa w’umupira w’amaguru David Beckham n’umukenyezi wiwe Victoria Beckham na Sir Elton John.

Se bukwe w’umuganwa ntiyitavye ivyo birori, kuko akitswe n’amagara, ariko inabukwe Doria Ragland niwe yaherekeje umukobwa.

Uwundi mutumire ni umukinyi akomeye w’isinema wo mu Bwongereza Idris Elba.