YESAYA 40 : 29 Ni we aha inkomezi abadendebukiwe, kand’ utagira intege amwongeramw’ inkomezi. Haleluyaaaaaa. Bavukanyi muri KRISTO YESU, ncuti z’umusalaba Imana Iramenya intambuko zacu Iramenya uko turiko kugenda, ducumbagira twataye ivyizigiro irabimenya, ijambo ry’ Imana riratubwiye ko uwudendebukiwe, uwubuze uko abigenza,ntukangwe nivyo ubona canke uriko uracamwo, Imana yacu niyo Itanga inkomezi ku bihebuye bose , ntakimunanira ntaco utinya. DUSENGE : Turagushimiye Data Wera, tugushimiye ubuntu bwawe n’ imbabazi watugiriye Nyakubahwa n’Ushimwe. Turakwinginze ng’Ushishikare kubana natwe uyu musi bimenyekane ko dufise Imana Ikomeye, ivyo vyose vyotuma Izina ryawe rirushirizaho guhabwa Icubahiro ubiduhere Ubuntu mw’Izina rya YESU KRISTO Umucunguzi wacu Amen.