Hariho abantu ubwira yuko icaha ( Ububeshi, ubusuma, ubusambanyi, igono , inzigo, ishari, kwubahuka, kutagira ico wubaha, ukutisonera, ubwicanyi, …)ari kibi maze bakagufata nkumwansi ahubwo bakagerageza kwerekana yuko wewe ubahanura uko ari wewe mubi kuko utasirimutse, utabona kure canke utabashakira ineza. Mugabo iyo bageze mu ngorane z’ubuzima baba bishizemwe baratahura yuko abavyeyi bari bagerageje kubahanura. Mugabo intahaha zozo ziguma zirondera gushira abandi mu kagaga mukubabwira ngo babakurikire mu nzira zidashika.

Uje wubaha abavyeyi n’abakurambere ntugakurikire inyererezi. Uje wubaha amajambo yabaciye ku ntebe yishure ntuje ukurikira amohe yabashira ibishobisho imbere. Uje wubaha ijambo ry’abakozi b’Imana rizogufasha gutera imbere, kumenya inzira y’ukuri no kugororoka.