Si rimwe kandi si kabiri Abarundi bidoga yuko umutambukanyi w’umukuru w’igihugu Angeline Ndayishimiye yihagiye amabanga y’igihugu, agakora ibikorwa atari ivyiwe mu gusubirira umukuru w’igihugu n’abashikiranganji. Hariho ngo n’ingingo z’igihugu zifatwa bikaboneka yuko ari ukuboko kwiwe kuri inyuma.

Kurubuga rwiwe rwa X yanditse ubgo butumwa yongera arabukurako. Ni ubutumwa bgerekana yuko yagiye kubonana n’umukuru w’igihugu ca Guinee atwaye ubutumwa bg’igihugu c’uburundi bakongera bakavugana ivyerekeye imigambi n’imigenderanire y’ibihugu vyompi. Ayo ni amabanga ashingwa intumwa za leta y’Uburundi n’abashikiranganji, amabanga arangurwa n’abagenwa n’amabgirizwa y’igihugu hisunzwe ibgirizwa shingiro.