🔴Abamenyeshamakuru n’abandi babishoboye bakwiye kuza barakoresha vy’imfatakibanza amajambo y’ikirundi mashasha yacuzwe n’indamurabitabu Éditions Gusoma.

📌Inyuma y’isekeza Curijambo rifise ihangiro ryo kuzana amajambo mashasha ari mu ndimi mvamahanga agasubirizwa n’ay’ikirundi, ryatangujwe n’indamurabitabu Éditions Gusoma, kur’uyu wa kane italiki 31/10/2024 iyo ndamurabitabu yatunganije ikiganiro ku bamenyeshamakuru mu ntumbero yo kwerekana umwimbu w’iryo sekeza yarangije uno mwaka.

🙌🏽Uwo mwimbu w’iyo ndamurabitabu washoboye gucura amajambo atari make, mu gisata c’Ubutunzi, Amagara, Indero, amategeko, uburumyi, inkino n’uburimbanyi c’ubuhinga bwa none, naho ataremezwa mu kigo nshinrwakirundi(académie Rundi).

📍N’aya akurikira:

1.Ubutunzi:

-Prescripteur : Ndandariza
-Commissionaire : Umuranzi
-Contrat de Vente : Igurizo
-Facture : Ikirihiriro
-Avance: Urugusho
-Entrepreneur :Umunyamugambi
-Entrepreneuriat:Ubunyamugambi
-Reçu :Icemezandishi

2.Amategeko

-Jurisprudence :Inyunganirantegeko
-Extrait du caisier Judiciaire : Indondavyaha
-Extrait d’acte de naissance : Indangamavuko
-Attestation d’identité complète : -Indondamuntu
-Doctrine: Inyigishomfatiro
-Processus judiciaire : Ingengangingo

3.Amagara y’abantu

-Variole du singe: Akaryama ka Nkende
-Urgence: Mu batabarizwa
-Santé sexuelle: Amagara ndoragitsina
-Facteur de risque : Impanamizi
-Infection: Ubwandu
-Chirurgie: Isaniro
-Operation:Isanasana
-Consultation: Isuzumwa
-Autopsie: Isuzuma ry’ikiziga
-Sage-femme: Umwakirizi
-Pediatrie: Aho bavurira abana
-Maternité: Iyakiriro
-Multidisciplinaires: Inkoranyabuhinga

4.Igisata c’inkino n’amagara y’abantu

-Artiste: Umurimbanyi
-Art: Uburimbanyi
-Miss: Murimbane
-Roman: Inganamugani
-Les Éditions : Indamuranitabu
-Corner: Umwamfuruka
-Surface de réparation : Mukorumbone
-Penalty: Ikinyankumbi
-Prolongation: Agasunuzo

5. Igisata c’indero

-Littérature : Amayagwa
-Fiction : Inyuramugani
-Littérature de pensées :Amayagwa nyabumenyi
-Littérature orale : Amayagwa Nyuramvugo
-Littérature écrite : Amayagwa mandikano
-Diplôme: Rwemeza
-Bourse d’études : Insahirizi
-Prébourse: Ingurane Nsahirizi
-Département: Igisata
-Faculté: Iramuriro
-Poésie: Ishembamvugo
-Session d’examen : Icicaro
-Bulletin: Indangamanota

6.Igisata c’uburimyi

-Partiques Agricoles : Ubuhinga bw’irima
-Saison Culturelle: Urubu rw’irima
-Campagne Agricole : isekeza ry’irima
-Arrosoir: Ikivomeresho
-Pesticide: Umuhonyabwononyi
-Agribusiness: Uburimyinzanamafaranga
-Engrais Chimiques: Ifumbire mvaruganda
-Greffage: Ukworekera/ iyimisha

7. Igisata c’Ubuhinga bwa none

-Techniques d’information et de communication (TIC): Ubuhinga bwo gutumatumanako.

-Intelligence Artificielle: Ubwenge mpingurano

-Copier: Kwimura
-Coller: Kumadika
-Deplacer: Kwunguruza
-Télécharger: Kuvoma
-Ordinateur: Inyabwonko
-Digitalisation: Iyitsanyabwonko
-Logiciel: Interabwenge
-Virus: Umugera
-Code: Umuhinyiko
-Application: Agaterabwenge
-Couper: Kumatura
-Serveur: Urusenge

🗨️ Umwigisha Mberamihigo Ferdinand yamenyesheje ko abamenyeshamakuru n’abandi babishoboye boza baramenyera gukoresha ayo majambo mu ntumbero yo gukingira ururimi rw’Ikirundi.

👤 Umumenyeshamakuru Roland Rugero asanzwe ari mu buyobozi bw’iyo ndamuriro, yamenyesheje ko atari igikorwa gisanzwe kuko cabatwaye imiriyoni 4 uyu mwaka gusa, ariko nk’urwaruraka rw’abenegihugu rubona ko igihugu ari rwabo bahagarutse mu ntumbero yo gukomeza ururimi rw’Ikirundi, yongera arashimira aboba baragize uruhara mur’ayo majambo y’imfatakibanza.

📍Uwaserukiye urwego nshingwakirundi akaba yashimye cane ico gikorwa yongera abatera intege, aca amenyesha ko bagiye kwiga ayo majambo kugira barabe ko yokwemezwa hama asahirize ururimi rw’Ikirundi mu bisata butandukanye.

✍🏾Nk’uko umwe mu bayobozi b’iyo ndamuriro Intore Segihembe yabishikirije, indamuriro Édition Gusoma iraha ikaze n’umwanya umurundi wese afise ico aterera mu ngero zose kuko ururimi rw’Ikirundi ari urw’Abarundi bose.

📌Iryo sekeza rikaba rizoza riraba buri mwaka buri mwaka nk’uko vyashikirijwe, irikurikira rikazoba mu gihe c’ici mu mwaka uza.

Bakunzi b’ikirundi, n’irihe jambo mubona mwocura riri mu ndimi mvamahanga ?