MWIRINDE INYIGISHO Z’IVYIGENZE N’INYEREREZI.
“Ariko bene Data, ndabinginga kwitegereza abazana ivyo gutandukanya n’ibitsitaza, bidahura n’ivyo mwize, mubazibukire. Kukw abameze bartyo Umwami wacu Kristo atari we bajakariye, ariko n’inda zabo, kandi bohesha imitima y’aberanda amajambo meza n’ivyo kubanezereza. Igitumye mbabgira ivyo, n’uko kwumvira Imana kwanyu kwamamaye mu bantu bose: ni co gitumye mbanezererwa, ariko ndagomba ko muba abanyabgenge ku vyiza, mukaba abatungu ku bibi. Imana Nyen’ amahoro izofyonyorera Satani vuba musi y’ibirenge vyanyu. Ubuntu bg’Umwami wacu Yesu Kristo bubane namwe. “[Abaroma 16:17-20]
Naho satani n’ibikoresho vyiwe bagize umugambi wo kuzimanganya izina rya Yesu Kristo canke kurititura bakarigabanya ubushobozi, vyarabananiye. Barananiwe igihe umwami Herode yica abana bose batarashikana imyaka ibiri barondera kwica Yesu Kristo, barananiwe aho bamubamba ku musaraba akazukana intsinzi ku rupfu, barananiwe aho bica intumwa ziwe kandi barananiwe aho baturirara, bakagaburira intambge amasinzi y’aba-Kristo ngo bakunde bazinukwe ukwizera izina rya Kristo Yesu.
N’uyu munsi uwo satani n’ibikoresho vyiwe ntaraheba, mbere hariho bene wacu b’Abarundi yagize imbata agenderako kugira ngo agabanye ubushobozi buri mu maraso Umwami n’Umukiza wacu Yesu Kristo yaviriye ku musaraba. Intumwa za satani ntizimaramara! Hari abiyimitse mu gishingo ca Kristo Yesu, abo bakavuga ngo Kristo ni ikivume ci Roma. Ukwo ni ugukeha ubgenge, ni ukurogota kandi ni ukugaragazwa n’impwemu ihumanye ibakubagura. Ntibamenye yuko KRISTO mu kigiriki risigura MESIYA mu giheburayo, uwasizwe amavuta canke uwatoranijwe. Kristo si izina risanzwe ni izina ry’icubahiro. Ni izina Uhoraho Imana yashize hejuru y’ayandi mazina yose kugira ngo muri iryo zina amavi yose apfukame, kandi n’indimi zose zature yuko ari UHORAHO mw’ijuru, kw’isi n’ikuzimu. [Abifilipi 2 :9-11] Haravumwe uwucokora iryo zina.
No muri Edeni, Imana yarabariye Adamu na Eva yuko Kristo, Messiya, uwasizwe amavuta, uwatoranijwe, urubuto azoza gukiza abantu ivyaha vyabo, yuko azoza kunesha ubushobozi bga satani [Itanguuro 3 :15] Izaburi za Dawidi n’ubuhanuzi bga Daniyeli burerekana ibikorwa vy’umukiza Uhoraho Imana yaragiye kurungika, ngo akize abantu ivyaha vyabo. [Zaburi 16,22, 45 na 110 ; na Daniel 9]
Abangushi uyu munsi bariyamamura ku mbuga ngurukana bumenyi ngo umuntu yo kwicuguza ibikorwa vyiwe bagomba gusubiza abantu munsi y’urusyo rw’ivyagezwe no kutizera ngo bizigire uwo mucunguzi, mu kumuvuga ku karimi gusa. Nta nyigisho z’amarangamutima n’ivyipfuzo vy’uturwi tw’abantu Abarundi bakeneye muri iki gihe. Abantu bakeneye kwihana kugira ngo bezwe n’amaraso ya Yesu Kristo, amaraso yamenetse rimwe rizima kugira ngo akize ivyaha uwizera wese. [Yohana 3:16] Utwo tugwi tw’inyererezi turimwo abigisha ivyo bemera batamitswe n’amadini bakama bariko baraharira kuko atakuri bafise. Kenshi bahagarara ku murongo wa Bibiliya maze bakubakirako inyigisho zabo kuko badafise ihishurirwa riva k’Uhoraho Imana. Bameze nk’ibicu bitagira imvura bikubebga n’umuyaga co kimwe n’amariba yakamwe atagira amazi. [2 Petero 2:17] Kubera ubugunge bgabo baragusuka bakigira kuko ni ba ntibidaba baba bashikije icagezwe c’uwabatumye. Naho mukwigisha bakoresha igitsure, iterabgoba no kwigira agahambaye, murabazibukire.Ntimushire imitima kuvyo bavuga n’ivyo bandika. Mu biyubare, musenge mubaze Imana ntimupfe kwemeranya nabo.
Bamwe bavuga ngo hariho ivyaha vyo munzu Uhoraho Imana atanezwe kuko nti bazi kwihana no kwezwa icarico. Uwuraho ngo mu muryano w’abubakanye, ugutukana no kurwana ngo si icaha! Nta nazi ingaruka zibabaje bigira ku muryango, ku bana no kugihugu cose. Ibihugu vyinshi biri mu ntambara y’ubgicanyi buteye ubgoba kubera yuko satani yabanje gusambura imiryango akayishiramwo induru. Abo bigisha yuko atari icaha usanga biha amazina y’ivyubahiro ngo ni abungere. Bibagiza abantu yuko mw’ijuru hazojayo abagororotsi. Utagororotse mu nzu utuyemwo wogororokera Imana utabona! Uhoraho Imana adusaba kuba abera mu ngeso zacu zose. [1Petero 1:15-17] Abo bigira abungere bigisha ibinyoma bariyizi kandi bariyumva.
Abandi bavuga ngo wo kwizera Yesu Kristo ukongera ukicunguza ukugororoka kwawe mu kwitondera ivyagezwe. Nti batazi akarimbi kari hagati y’ ivyagezwe n’uwabishinze. Ivyagezwe ni icirore gituma tumenya aho duhajije kugira ngo twikosore. Nti bishobora kudukiza canke kudutunganya uretse kuducira urubanza rwo gupfa. [2Abikorinto 3:6] Nico gituma tubarirwa kuvyitondera, kubisonera tutabarirwa kurongorwa navyo. Izo ntumwa za satani zinyegeza mu vyagezwe kugira ngo zititure igikorwa c’umusaraba, zaronse akajambo bagize “MURYE!” kitwa icagezwe, ISABATO. Ubabajije uti isabato ni iki, ni iyihe kandi yokiza abantu gute? Ururimi ruragoba. Abantu barakwiriye kudataragurika basimbira kuri ibi na biriya bakurikira inyigisho z’ubgije kandi hariho umuco uturuka k’Uhoraho Imana. Abo batazi kandi badatahura akamaro n’agaciro k’amaraso ya Yesu Kristo, bameze nk’abariye uburozi ntibatahura ico Yesu yahishuye kuri ka karorero k’umusamariya w’imbabazi kandi ntibazi yuko abahagararira ivyo vyagezwe aribo bashoye Kristo Yesu ngo ni abambge. Abo nyene nibo basasitse inganda bica amasinzi y’abantu babahora Umwami n’Umucunguzi Yesu Kristo, ngo bahagarariye ivyagezwe vy’Imana. Barabaze Intumwa Pawulo abacire agace. [Abigalatiya 1:13] Ubuzimiri buri kwinshi. Umwami wacu Kristo, arikwije, ni Uhoraho Imana, ntumugerekeko ivyagezwe canke izindi ntonde wigeneye kuko ubgo ni ubuzimire. Harageze yuko umuntu wese yiyambura inyigisho z’amadini n’abiyita abanyabgenge b’ivyanditswe kandi ari inyererezi kuko ata gakiza karimwo. Umuntu wese asenge Imana ahagararire ukuri. Umwami Yesu Kristo Yamamare!

UMU-KRISTO WESE AKWIRIYE GUKORA UHORAHO IMANA.
Abantu benshi baradukengurukiye cane kubera yuko twabigishije kwihana no kwezwa kugira ngo bategereze Uhoraho Imana yacu. Baciye bibaza bati none hakurikira iki ko twahejeje kwihana no kwiyeza tukaba twatunganijwe n’amaraso ya Yesu Kristo? Ikindi twokora ni igiki? Hariho abashobora kubaha inzira idashika, bakorosha ibintu ngo
genda witondere ivyagezwe ntibanakubgire nya vyagezwe wokwitondera ivyarivyo. Mwibuke yuko ivyo vyagezwe biremereye gusumba amabuye vyandikishijwe inyuguti, kandi inyuguti zirica ariko Mpwemu atanga ubugingo. [2 Abikorinto 3:6] Kugira ngo ugororokere Imana uca mu nzira y’intambge 7, umuntu wese ategerezwa gucamwo. Ni wisuzume rero ukore ico utari bgakore canke ushire umurindi muvyo uriko urakora.

1. Wizere Umwami Yesu Kristo akubere Umukiza wawe kugira ngo ushobore kuronka ubuzima budashira [Yohana 3:16]
2. Wihane ivyaha vyose n’akaha wakoze kugira ngo usomorwe ubumara bga satani bugutandukanya n’ubgiza bg’Imana. [Abaroma 3:23]
3. Ubatizwe muri Yorodani mw’Izina rya Yesu Krito, ikimenyetso co gupfa, guhambanwa no kuzuranwa na Yesu Kristo. [Abikolosayi 2:12]
4. Wuzuzwe Mpwemu Yera abe ariwe akurongora muvyo ukora vyose.
   [Abayefeso 5:18, Abaroma 8:14]
5. Wame usenga ubudasiba kugira ngo umutima wawe wame ushima kandi usenga Imana. [1Abitesalonike 5:16-18, Abaroma 12:1, 1 Abikorinto 6:19-20]
6. Wame uvuga ubutumwa, ushinga intahe kugira ngo ushikane abandi ku gakiza, bagororokere Uhoraho Imana. [Matayo 28:16-20]
7. Ukwama ukora ibikorwa vyo kugororoka. Ivyiyumviro vyawe, imvugo zawe n’ivyo ukorera abanda vyerekane yuko ukundisha Uhoraho Imana umutima wawe wose, ivyiyumviro vyawe vyose n’ivyo utunze vyose kandi ukunde mugenzawe nk’uko wikunda. [Matayo 22:36-40]
   Umwami Yesu Yamamare!
   WWW.ABISEZERANO.COM IHANGARYIMANA@GMAIL.COM APPMOB: ISEZERANO TEL: +257 61404181

INYISHU Z’IKIZAMINI KIGIRA ICENDA
Yesu ashimwe cane Hanga Ryera ry’Imana. Muri rusangi iki kibazo kigira icenda abantu nka bose barashoboye gutora inyishu z’ukuri zose. Tuboneyeho akanya ko kubakeza mwese kuko mwarateye intambge mu bumenyi Mpwemu w’Imana yashatse yuko umuntu wese ariko araja mw’ijuru akaba kandi yiteze isezerano Uhoraho Imana yasezeaniye igihugu cacu c’Uburundi aba afise. Iyo tuvuze ivyiza biri mw’isezerano Uhoraho Imana agiye gushitsa ku gihugu cacu, hariho abashira imitima n’ivyizigiro vyabo kuri iryo sezerano gusa. Uko siko bikwiriye kumera. Dushira umutima wacu n’ivyiyumviro vyacu vyose ku bgami bg’Imana n’ukugororoka kuko niryo sezerano ry’iteka twahawe. Isezerano ry’igihugu c’amata n’ubuki ni inyogera nkuko Umwami n’umukiza wacu Yesu Kristo yabitwigishije muri [Matayo 6:33].
Nkuko musanzwe mubizi, ku kabazo kose hatangwa inyishu zine mugabo ugahitamwo imwe y’ukuri. Tubandanye dukora ikizamini ca nyuma arico kigira icumi, inyuma yaho tuzoca duhabga impapuro zo kuba twarashirutse ubute bita certificat mu kinofonofo. Umwami Yesu abahezagire.
AKABAZO KA 1: IHANGA RYERA RY’IMANA RYASHIRIWEHO
a) Kuzigama ivyagezwe no kuvyamamaza mu yandi mahanga.
b) Gushigikira amadini n’amashengero no kwifatanya nayo.
c) Kwirata yuko ryamenye ukuri no kugaragaza ibibi vy’abandi.
d) Kwezwa no gukwiza ukuri kwose kw’ijambo ry’Imana mu kujana ikanguro ryo kwamamaza Yesu Kristo.
Nkuko dusanzwe tubizi, Ihanga ry’Abayuda niryo ryashiriweho kuzigama ivyagezwe nk’uko ryanaribika mw’isandugu y’isezerano. Ryari ryarahamagariwe kuduza ibendera ry’ivagezwe kugira ngo n’ayandi mahanga abimenyereho. Ihanga Ryera ry’Imana rirongorwa na Mpwemu w’Imana rigakurikiza ivyagezwe vyose vy’Imana nkuko rigenda rirabihabga mu rugendo ririmwo. Ntiryashiriweho kwifatanya n’amadini canke amashengero ngo riyashigikire kandi naho rihishurirwa ukuri kwose n’Uhoraho Imana, ntiririho ngo ryagirize aba na bariya ivyaha vyabo mugabo twese Ihanga ry’Imana twahamagariwe kwigisha ukuri kwose kugira ngo abantu bose bahindukirire agakiza kabonerwa muri Kristo Yesu.
Inyishu y’ukuri ni D kuko twese hamwe ata numwe avuyemwo, duhamagarirwa kweza no gukizwa neza kugira ngo tuje mu mirimo y’Imana yo gukwiza ukuri kwose kw’ijambo ry’Imana mu mahanga. Ukwo nikwo gukwiza ishimwe ryayo. [1Petero 2:9] IHANGA RYERA RY’IMANA

AKABAZO KA 2: IMANA IJE GUSHITSA ISEZERANO KU GIHUGU KUKO a) Ababa mu gihugu bakora ivyaha birenze urugero.
b) Abantu bahanuwe bakagamika izosi none bagiye guhanwa. c) Kuko igomba guhora amaraso yasesetse mu gihugu kuva kera. d) Yitoranirije Ihanga ngo rikwize ishimwe ryayo.
Uhoraho Imana yacu ntaje gushitsa isezerano ku Burundi kubera yuko Abarundi aribo bakora ivyaha birenze gusumba ayandi mahanga. Hariho ivyaha vy’urukozasoni bikorerwa n’ahandi. Si Abarundi gusa, isi yose yarahanuwe kwihana no kugarukira Imana mugabo ababa kuriyo bose bagamika izosi. Uravye n’amaraso aseseka hirya no hino kuri iy’isi, si mu gihugu cacu honye, hagiye haraba ubgicanyi mu bihugu bitandukanye vyo kw’isi, haraba intambara hirya no hino n’ibindi vyaha bihitana ubuzima bg’abantu nk’ubgicanyi bg’iminsi yose, ugukorora inda, uburozi n’ibindi vyinshi vyatikije inganda kuko ikuzimu kwa satani bama basaba ibimazi vy’amaraso y’abantu uko ukwezi gutashe.
Inyishu y’ukuri rero ni D kuko Uhoraho Imana aje gushitsa amasezerano ku gihugu c’Uburundi kuko turi Ihanga yitoranirije. Mu nyishu zarengenye twarabonye ingene umuhanuzi Yesaya yeretswe ivyerekeye igihugu c’Uburundi ingene iryo hanga rigiye gutwara umuvyuro n’ikanguro kw’isi yose kuko Imana yaduhaye imbuto y’agakiza. [Yesaya 19:1-25.]
AKABAZO KA 3: ABA KRISTO BATEGEREZWA KUBA ABERA
a) Mu kwubahiriza Isabato n’ibindi vyagezwe icenda.
b) Mu gusenga no gufasha abagowe bo mu mashengero.
c) Mu kugenda barigisha ijambo ry’Imana inzu kunzu.
d) Mu kwihana neza, gutungana no kurongorwa na Mpwemu Yera muri vyose.
N’uko nyene iy’isi yacu yamaze kuvangirwa na Satani, nayo ahandi bavuze umu – Kristo, umuntu wese yategerezwa kwumva umuntu ari mu muryango w’Imana, umuryango w’ABERA. Intumwa Pawulo, kuko yarafise amabanga menshi yo mw’ijuru, mu kuranutsa beneData yagira ati muntahirize abera bose bo muri Yesu Kristo bo hiyo canke ati abera bose barabatasha. [Abifilipi 4:21, 2 Abikorinto 13:13]
Ukiri hano kw’isi, ushobora kuba uwera uri muri Kristo Yesu honyene. Kwubahiriza isabato co kimwe n’ibindi vyagezwe vyose ni vyiza cane mugabo ntumenya umwanya uzomara uvyubahiriza kuko ushobora gutsitara kuri kimwe ukaba ubaye umunyavyaha ruhebga kuko ivyo vyagezwe ntibishobora kukubabari
IHANGA RYERA RY’IMANA
canke ngo bikweze. Turi munsi y’isezerano rishasha ritagizwe n’ivyagezwe vyandikishijwe inyuguti mugabo ivyagezwe vya Mpwemu kuko ivyandikishijwe inyuguti birica ariko impwemu ihesha ubuginfo nkuko biri [2Abikorinto 3:6]. Gusenga no gukora ibikorwa vy’urukundo ni vyiza kandi no kugenda turigisha ijambo ry’Imana ni vyiza cane, ariko sivyo bitweza. Amaraso ya Yesu Kristo niyo yonyene ashobora gutuma duharirwa ivyaha twakoze kandi akanatweza tukaba abera. [1Yohana 7-9]
Inyishuy’ukurireroniD,itubgirakwihana,gutungananokurongorwanaMpwemu Yera kuko Bibiliya itubarira neza yuko ducika abana b’Imana ataruko dukoze ikindi kintu mugabo ari uko twemeye kurongorwa na Mpwemu wayo. [Abaroma 8:14]
AKABAZO KA 4: MU GUKORERA IMANA UMUNTU YO
a) Kwumvira umutima wiwe akaraba uko abandi babigenza.
b) Banza kuja mu mashure ya Bibiliya akaronka impamyabushobozi.
c) Senga Imana akamenya umuhamagaro wiwe maze akayikorera nkuko arongorwa.
d) Banza kurindira akaronka ubutunzi bukwiriye kugira ngo ntatukishe izina ry’Imana.
Kugira ngo dukorere Imana mu kuri ntitwobikora nkuko tuvyumva mu mitwe canke mu mitima yacu kuko umutima w’umutu urihenda cane. Kandi naho amashure ya tewologiya n’ayandi mashuri y’ijambo ry’Imana ari meza si impamyabushobozi zitangwa n’ayo mashure zidushoboza gukorera Uhoraho Imana mu kuri. Nico kimwe no kwibaza yuko umuntu azobanza kurundarunda ubutunzi bgo muri iy’isi kugira ngo akorere Imana. Vyose ni ukwihenda gusa. Kugira ngo Umuntu amenye yuko ashobora gukorera Uhoraho Imana nuko aba akijijwe neza, atajwi rimwagiriza ikibi mu mutima wiwe kandi Mpwemu w’Imana amushingira intahe akamubgira ati genda gukorera Uhoraho.
Inyishu kuri iki kibazo ni C ivuga yuko umuntu yosenga akamenya umuhamagaro wiwe hanyuma Imana ikamurongorera gukora igikorwa cayo. Ibi nti bisigura yuko aba-Kristo baca bicara ngo Imana ntaco yabatumye. Uwakijijwe wese ategerezwa kubgira abandi iciza kiri mu kwakira Umwami Yesu Kristo kuba umukiza wawe nico cagezwe abizera bose bahawe. Yesu yatubgiye ngo tuje guhindura amahanga tuyabarira ubutumwa bgiza. Sangiza intahe yawe abandi ubabarire ingene Yesu Kristo ari mwiza. [Matayo 28 :16-20]
IHANGA RYERA RY’IMANA
AKABAZO KA 5: MU GIHE C’INTAMBARA UMU-KRISTO ATEGEREZWA
a) Kunyegera kure kuko atakirwanishwa ashobora gufata.
b) Kuja ahabona akitega ibintu vyose kuko aba ariko uburinzi.
c) Kuja gukora ibikorwa vyo gutabara mbabare zose ku rugamba.
d) Gushira umutima munda agasenga Uhoraho kugira ngo amenye ico akwiriye gukora.
Mu gihe c’intambara umu-Kristo ntakwiriye kwifata uko abonye kwise. Hariho inyifato ibereye uwamenye Yesu Kristo kugira ngo agume mu kugororokera Uhoraho Imana. Inyishu y’ukuri ni D kuko turakwiriye kwama dusiguza Imana mu bihe vyose kugira ngo tumenye ivyo dukwiriye gukora. Ihanga Ryera ry’Imana ryishimikije Bibiliya Yera rirabashikiriza impfunguzo 10 wokoresha kugira ngo ugumane n’Uhoraho Imana mu bihe bihoye kuko: “Iyo hatari uguhishurirwa, abantu bagenda uko bagomba, ariko uwitondera ivyagezwe aba ahiriwe. “[Imigani 29:18] Abakristo bategerezwa kumenya ingene bifata mu bihe vy’umunezero, ibihe vy’amagorwa n’ibihe vy’intambara kugira ngo boye gutabagurwa na satani canke ngo bacumure kubera ukutamenya.
Turagomba yuko umuntu wese asuzuma umutima wiwe yihane, yezwe kugira ngo amenye yuko ari umuhigwe canke ari umutsindwa. Igipimo kiri muri [Matayo 5:1- 10] Umwami n’Umukiza wacu Yesu Kristo yarerekanye abahingwe abaribo mu bihe bigoye kandi n’umwanditsi Dawidi yarerekanye ibibereye vyigikundiro muri [Zaburi 133:1]. Imana irazi yuko ari mu kunyura mu bigeragezo dushikira ukubona ubgiza bgayo ni naco gituma yaduhishuriye ivyo tugiye gucamwo iduha n’impamba zo guca mu mibabaro. Ngizo rero impfunguzo 10 zo kunesha tukazosohoka nkabahizi mu bihe bigoye igihugu cacu n’isi igiye kunyuramwo .
INGENE UMUKRISTO AKWIRIYE KWIFATA MU BIHE BIGOYE VY’INTAMBARA
Urupfunguzo rwa 1: Kwemera yuko ibigeragezo bisanzwe mu buzima. Intumwa Pawulo iratubgira iti: “Bakundwa, ntimwibaze ngo si ibisanzwe guca mu bibagerageza iyo bibashikiye” [1Petero 4:12] Na Yesu Kristo ubgiwe yarageragejwe arababazwa gushika naho ashika ku rupfu rubabaje kandi ruteye isoni ku buryo ata mwana w’umuntu yari yotahuye. Yesu yavuze ati: “Mwibuke ijambo nababariye, umushumba ntaruta shebuja, niba barampamye namwe muzohamwa.” [Yohana 15:20]
Urupfunguzo rwa 2: Kumenya y’uko ibintu vyose bituzanira ivyiza. [Abaroma 8:28] hatubgira yuko tuzi ko ibintu vyose bikoranira kuzana ineza y’abubaha Imana, kubahamagawe kubgo umugambi wayo. Uri mu mugambi w’Imana rero ntaco gutirimutsa. Wame ufise ivyizigiro yuko Imana muri kumwe.
IHANGA RYERA RY’IMANA
Urupfunguzo rugira 3: Turashobora kurinda kandi tukanesha ibigeragezo vyose. Ntimuzi yuko Uhoraho Imana atazorekura ibigeragezo tudashobora kwihanganira? Turasoma yuko: “Ata kigeragezo cabashikiye uretse igisanzwe ku mwana w’umutu; Imana ni iyo kwizigigwa, ntizokwemerera ibabagerageza birengeye inkomezi zanyu kuko izobacira icanzo kugira ngo muneshe” [1Abikorinto 10:13] Mwame muzirikana yuko azi ibitugerageza kandi yiteguye kuturamira.
Urupfunguzo rugira 4: Harura vyose nk’umunezero. Mu bihe bigoye dutegerezwa kubinezereregwa navyo kuko ari nayo nzira yo gukomezwa no gutabagwa. Vyumvikana umengo ntibihuye, ariko niko dutegerezwa kubigenza kuko dusoma ngo: “Bavukanyi, ni mwagwa mu bibagerageza bitari bimwe, mwiyumvire yuko arivyo kunezereregwa rwose” [Yakobo 1:2] “Abo nkunda, umuriro uri hagati yanyu wo kubagerageza ntukabatangaze nkuko mubonye akatarabonetse. Ariko munezereregwe n’uko mufatanije imibabaro na Kristo, kugira ngo no mu gihe co guhishugwa kw’ubgiza bgiwe muze munezeregwe muhimbawe.” [1 Petero 4:12-13]
Urupfunguzo rugira 5: Gukura inyigisho mu mageragezwa. Nkuko twabibonye ibigeragezo bituma ukwizera kwacu gukomezwa kandi tukaharonkera ukwihangana. [Yakobo 1:2-3] Burya iyo umukristo adaciye mu bigeragezo, ukwizera kwiwe kuba magonyagi kandi ntashobora kunesha canke ngo afashe abandi. Iyo ukwizera kwawe kudaciye mu bigeragezo umenye neza yuko hariho ibitagenda neza kuko uba utaranakuzwa mu kwizera. [1 Petero 1:6-7]
Urupfunguzo rugira 6: Gusukura imigenderanire n’Imana. Ibigeragezo bitegerezwa kutwegereza Imana Nyen’ingabo. Igihe turiko turaca mu mwonga w’igitutu c’urupfu, ntitukagire ikibi dutinya. Kubera iki? Kubera yuko Imana iri kumwe natwe. [Zaburi 23: 4] Igihe twegereye Imana tuba twegereye isoko yo kwirugwa no guhozwa amarira. “Uhoraho aba hafi y’abafise imitima imenetse, kand’akiza abafise imitima ijanjaguritse. Amarushwa y’umugororotsi ni menshi, ariko Uhoraho ayamukiza yose. Azozigama amagufa yiwe yose nta na rimwe rizovunika.” [Zaburi 34:18-20]
Urupfunguzo rugira 7: Guhanga amaso ijuru aribgo bgami bg’Imana. Iy’si turimwo itegekwa na Satani [2 Abikorinto 4:4] dutegerezwa kuzirikana yuko isi yose yasutswe na satani. [Ivyahishuriwe Yohana 12:9] None rero ntitwotangazwa n’uko isi yuzuyemwo umubabaro, inzara, indwara, urupfu n’ububisha. Twiyumviriye ivyo tubikiwe, tubibona muri [1 Abikorinto 2:9] yuko ari “ivyo ijisho ritigeze kubona, ivyo ugutwi kutigeze kwumva n’ivyo umutima w’umuntu utarigera utahura. Ivyo nivyo Imana yabikiye abayikunda.” IHANGA RYERA RY’IMANA

Urupfunguzo rugira 8: Rondera impanuro ku bizigirwa no ku Mana Nzima. Dusoma mu [Imigani 11:14] yuko ababuze abarongora b’ubgenge abantu barahenebera, ariko mu nama ya benshi habonekamwo amahoro. Ntaco rero umuntu aba, iyo asavye impanuro abandi ahubgo biramukiza. Muri ico gihe umuryango, abagenzi, abungere wizigiye bashobora kuguha impanuro nziza zijanye n’ibihe murimwo. Mu gihe ata muntu yahawe ubgenge n’Imana ngo abarongore fate umwanya wo gusiguza Uhoraho ico mukwiriye gukora.
Urupfunguzo rugira 9: Wame usoma Ijambo ry’Imana, Bibiliya. Dusoma muri [2Timoteyo 3:16-17] yuko ivyanditse vyera vyatanzwe vyahumetswe n’Imana kandi yuko bitugirira akamaro bikaduhanura, bikatwigisha, bikadutunganya, bikadutoza indero nziza mu kugororoka kugira ngo umuntu w’Imana abe ushitse, afise ibimukwiriye vyose ngo akore igikogwa ciza cose. Umuntu yokwama afata umwanya wo gusoma ijambo ry’Imana mu bihe bigoye kandi akama aryiyibutsa kuko rimuha ivyizigiro n’umunezero.
Urupfunguzo rugira 10: Senga Imana umwanya wose. Turasanga muri [1Yohana 5:14] ubushizi bgubgoba dufise mu kwizera iMana yuko iyo dusavye ikintu cose gihwanye n’ico igomba itwumva, ikakiduha. N’uko rero nkuko dusenga dushobora “Kwegera intebe y’Imana y’ubuntu n’imbabazi dushize ubgoba kugira ngo turonke ikigongwe, tubone n’ubuntu bgo kudutabara no mugihe kigoye.” [Abaheburayo 4:16]
Ugendanye izo mpfunguzo 10 z’umu-Kristo, hariho ibintu 5 utegerezwa gukora ngo ntugwe mu kutamenya mu gihe aho uherereye hari intambara. (1) Ntugapfe gufata ingingo yo guhunga. (2) Rondera ubgihusho canke ubgugamo bukomeye; (3) Ntukagende imbokoboko, witwaze akabando, icuma canke ikindi; (4) Umu-Kristo ntatega ngo bamugirire nabi, arigwanako agakingira n’abandi; (5)Uguteganya vyankenerwa vyo kunywa, kurya no kwivuza.
Umwami Yesu Kristo yamamare!

IKIZAMINI KIGIRA ICENDA

1. IHANGA RYERA RY’IMANA RYASHIRIWEHO
   a) Kuzigama ivyagezwe no kuvyamamaza mu yandi mahanga.
   b) Gushigikira amadini n’amashengero no kwifatanya nayo.
   c) Kwirata yuko ryamenye ukuri no kugaragaza ibibi vy’abandi.
   d) Kwezwa no gukwiza ukuri kwose kw’ijambo ry’Imana mu kujana ikanguro ryo kwamamaza Yesu Kristo.
2. IMANA IJE GUSHITSA ISEZERANO KU GIHUGU KUKO
   a) Ababa mu gihugu bakora ivyaha birenze urugero.
   b) Abantu bahanuwe bakagamika izosi none bagiye guhanwa.
   c) Kuko igomba guhora amaraso yasesetse mu gihugu kuva kera.
   d) Kubera yuko yitoranirije Ihanga ngo rikwize ishimwe ryayo.
3. ABA KRISTO BATEGEREZWA KUBA ABERA
   a) Mu kwubahiriza Isabato n’ibindi vyagezwe icenda.
   b) Mu gusenga no gufasha abagowe bo mu mashengero.
   c) Mu kugenda barigisha ijambo ry’Imana inzu kunzu.
   d) Mu kwihana neza, gutungana no kurongorwa na Mpwemu Yera muri vyose.
4. MU GUKORERA IMANA UMUNTU YO
   a) Kwumvira umutima wiwe akaraba uko abandi babigenza.
   b) Banza kuja mu mashure ya Bibiliya akaronka impamyabushobozi.
   c) Senga Imana akamenya umuhamagaro wiwe maze akayikorera nkuko arongorwa.
   d) Banza kurindira akaronka ubutunzi bukwiriye kugira ngo ntatukishe izina ry’Imana.
5. MUGIHE C’INTAMBARA UMUKRISTO ATEGEREZWA
   a) Kunyegera kure kuko atakirwanishwa ashobora gufata.
   b) Kuja ahabona akitega ibintu vyose kuko aba ariko uburinzi.
   c) Kuja gukora ibikorwa vyo gutabara mbabare zose ku rugamba.
   d) Gushira umutima munda agasenga Uhoraho kugira ngo amenye ico akwiriye gukora.
   Umwami Yesu Kristo yamamare!
   WWW.ABISEZERANO.COM IHANGARYIMANA@GMIL.COM MOBAPP: ISEZERANO CELL: +25761404181

Umunsi wose ufise izina ryawo mu Kirundi. Mu ndimi zose nta munsi canke ukwezi vyitirirwa igiharuro. Indimi zo hanze zahaye amazina y’iminsi baurikije iminsi abapagani basengerako ibimana nyenyeri vyabo. Natwe abemera Uhoraho Imana tuyitirira ivyaremwe n’Imana kuri uwo munsi nk’uko Bibiliya Yera ibitwigisha.

IHANGA RYERA RY’IMANA
IKIZAMINI KIGIRA UMUNANI
Nkuko twatanguye tubigenza kuva ku kizamini ca mbere, akabazo kose kaba kariko inyishu zine mugabo imwe gusa niyo y’ukuri. Naho wobona umengo inyishu zirenga imwe zishobora kuba zo, iyo ukuri ni imwe gusa wisunze ico ijambo ry’Imana ryanditswe muri Bibiliya canke iryahishuwe na Mpwemu Yera.

1. YESU KRISTO YAGIYE MURI YORODANI KUBATIZWA NA:
   a) Yohana Umubatiza kuko yari muvyarawe.
   b) Yohana Umubatiza kuko yabatiriza mu mazi meza.
   c) Yohana Umubatiza kuko yibera mu bugaragwa agatungwa n’ubuki. d) Yohana Umubatiza kugira ngo ashitse ukugororoka kw’Imana kwose.
   Umubatizo wo mu mazi menshi ni igikorwa uwizera wese ategerezwa gukora kugira ngo ashobore kwereka Imana yo mwijuru, kwereka abantu bose no kubarira umuntu ari muri we nyene y’uko ya maramaje kuba umwana w’Imana. Petero yuzuye Mpwemu Yera yishuye abantu bari ngaho ati ni mwihane umuntu wese abatizwe mw’izina rya Yesu Kristo kugira ngo muharirwe ivyaha vyanyu kandi muhabge Ingabire ya Mpwemu Yera. [Ivyakozwe n’intumwa 2:38] Yesu Kristo nawe mu kutwereka akarorero yaramanutse aja ku ruzi Yorodani kugira ngo abatizwe. Yohana Umubatiza amubonye yaratangaye cane ati Mwami wanje, uje ngo nawe ndakubatize yamara kandi ari wewe wombatije! Ati oya si nokwubahuka kukubatiza. Yesu Kristo yamwishuye ati bikunde Yohana umbatize kugira ngo dushitse ukugororoka kwose. [Matayo 3:15] Iryo jambo rya Yesu Kristo ritwereka yuko inyishu y’ukuri kuri ako kabazo ari D. Abatari bake baragitoye.
2. SAMUSONI YARONGOYE UMUFIRISITIYA KAZI DELILA:
   a) Kuko atabakobga beza bari mu b’Isirayelikazi
   b) Kuko Delila yari icitso catumwe n’Abafilisitiya abansi b’Abisirayeri c) Kuko wari umugambi w’Imana wo kwerekana ubushobozi bgayo. d) Kuko abavyeyi biwe n’abagenzi bamuhanuye ku murongora.
   Duhereye ku kuvuka kwiwe, turabona yuko Samusoni yari uwatoranijwe, Umunaziri. Ni naco gituma abavyeyi biwe bari barabujijwe ku mumwa umushatsi kandi nkuko Bibiliya ibitubarira yarafise inkomezi zitangaje ziruta izo abantu bose bigeze kubaho. Izo nkomezi zava k’Uhoraho Imana mugabo zari zugariye muri nya mushatsi wiwe. Abavyeyi biwe bari bankiye Samusoni yuko aja kwabira mu bgoko bg’abafilisitiya kuko bgari busanzwe buhahaza Ihanga rya Isirayeli, kandi nti batahura ingene arengana abakobga beza bari mw’ihangaryiweakajakuronderaumugenimubansibabo.ArikoBibiliyairatubgiraneza yuko wari umugambi w’Uhoraho Imana kuko yarondera inyanduruko ku bafirisitiya. [Abacamanza 14: IHANGA RYERA RY’IMANA Inyishu y’ukuri ni C kuko Imana yagomba kwiyerekana ibicishije ku nkomezi yahaye Samusoni abanje kugambanirwa n’uyo mu filisitiyakazi. Kandi niko vyagenze.
3. ANANIYA NA SAFIRA BISHWE N’INKOTA Y’IMANA
   a) Kuko baciye kubiri n’amategeko y’umuganzabami wi Roma.
   b) Kuko bacumuye ku cagezwe Mpwemu Yera yari yatanze.
   c) Kuko kwiba no kubesha ari ivyaha vyanditswe mu vyagezwe icumi.
   d) Kuko bari bubatse bidaciye mu mategeko.
   Inkuru ya Ananiya n’umutambukanyi wiwe safira tuyisanga mu gitabo c’Ivyakozwe n’intumwa. Ni no muri iki gitabo nyene dusanga ubumwe butegerezwa kuranga aba- Kristo nkuko bgaranze aba-Kristo ba mbere. Mpwemu Yera amaze kwururuka bakuzuzwa,turabonaibintuyabashizwemwobikababeraicagezwe.Abizeyebaribenshi cane kandi bahuje umutima n’inama, nta numwe yakimbukira ikintu cose atunze ngo ni iciwe kuko vyase barabisangira. Ntamukene yari muri bo kuko n’abari bafise amatongo barayagurisha bakazanira ayo bagurishije intumwa kugira ngo zibigabanganye mu bantu. Intumwa zari zarahawe ububasha bginshi ku bizera n’ivyo batunze. [Ivyakozwe n’intumwa 4:32-37]
   Ananiya na Safira naho bari mu murwi w’abizera, bari bafise akarenge hanze katumye igihe bagurishije itongo batatwaye ayo bagurishije yose. Erega n’uyu munsi aba-Kristo benshi bafise iyo ngeso yanduye yo gutambikiza muvy’Imana no muvy’isi. Abitwa abakozi b’Imana canke abitwa abizera usanga ataho bataniye n’abapagani mu vyiyumviro vyabo, mu mvugo, imigenzo no mu gukora ivyaha. Ni nako rero na Ananiya na Safira bahenzwe na Satani bapfundika ikinyoma kugira ngo baje guhenda intumwa. Intumwa za Yesu Kristo zibabonye gusa zaciye zimenya yuko babeshe maze zagiriza uyo mugore n’uyo mugabo gukora icaha co kurondera kubesha no kugerageza Mpwemu Yera ari navyo vyabaviriyemwo urupfu. [Ivyakozwe n’intumwa 5:3 na 5:9]
   Inyishu y’ukuri rero ni (B) kuko bacumuye ku cagezwe ca Mpwemu w’Imana. Aka kabazo karatwigisha neza yuko ivyagezwe vv’Imana atari ya mabgirizwa icumi gusa Mose yahererwa n’Imana ku musozi Sinayi, mugabo yuko icagezwe ari itegeko, ibgirizwa n’ijambo ryose ryaba iryanditse, irivuzwe canke irihishuwe rivuye k’Uhoraho Imana. Umuntuweseavuzeivyagezweakwiriyegutomoranezakukoabavyeyibasamusonibari barahawe icagezwe co kutamwa umwana wabo. Manowa se wiwe yari yakizaniwe n’Umumarayika w’Imana. Na Yohana Umubatiza kwo kwuko, abavyeyi biwe bari barahawe icahezwe yuko umwana wabo atazokoza ikiboreza mu kanwa kuko azokwuzuzwa Mpwemu Yera ahereye akiva mu nda ya nyina. Umuherezi Zakariya yaravyubahirije. N’uko rero mwame mwubahiriza ikintu cose Mpwemu Yera abatumye gukora.
   IHANGA RYERA RY’IMANA
4. NI TWASHIKA MU BURUNDI BG’ISEZERANO
   a) Tuzorongorwa n’ivyagezwe icumi Mose yaherewe ku musozi sinayi.
   b) Tuzokwicara turuhuke kuko tuzoba turangije urugendo.
   c) Tuzoba dutanguye urugendo ruhambaye rwo kurondera iminyago dutwara mw’juru. d) Tuzoca dutangura guhigana n’ibishusho biri mu gihugu.
   Uyu munsi Imana ibicishije mu buhanuzi butandukanye, Abarundi nka bose baramaze kumenya yuko igihugu c’Uburundi gifise isezerano rituruka k’Uhoraho Imana kandi yuko iryo sezerano rigizwe n’ivyiza vyinshi rigiye gushitswa. Icumi muri ivyo vyiza muramaze ku bimenyeshwa. Hariho abaryumvise baryamirira kure bakibaza ngo ni akadashoboka. Hariho n’abandi baryumvise bararinezerererwa kandi uyu munsi bakaba barivuganga. Bamwe bararivugavuga kuko bibaza yuko Uhoraho Imana ije guhana abansi babo canke yuko ije kubahorera. Ico ni ikinyoma ca satani. Hariho n’abandi barinezerererwa kuko baribonamwo ubutunzi n’iterambere kuribo, ubutware n’ubutegetsi bgabo mbere n’iyo barivuga akaba atakindi bavuga atari ukwishira hejuru. Abo bose bari mu kutamenya. Satani arakorera cane ku kintu ciswe amasezerano ni ukuhagabira.
   Uhoraho Imana atoranije Ihanga ntaba agomba yuko abarigize barya bakaryama gusa. Ihi bambewe. Baba bafise ibikorwa bihambaye yabatoranirije kandi yabashinze bategerezwa kurangura. Ivyo bikorwa batabiranguye, irabashwiragiza, ikabasiribanga mbere ikanabarandura. Umurongozi yashize imbere mw’Ihanga adakoze ikintu cose abanje gusigiza Uhoraho Imana, iramufyefyenura, ntagukina. Aha rero Ihanga ry’Abarundi ryomenya yuko batatoranijwe kugira ngo bicare baganze, batunge batunganirwe maze babondogotwe. Abazoshika mu gihugu c’Isezerano bategerezwa kumenya ico bajejwe n’ico bashiriweho gukora kandi ico cagezwe kikubahirizwa.
   Ihanga ry’Abayuda ariryo isirayeli ryari inkengerwa mu yandi mahanga, Uhoraho Imana yaritoranije irarirwiza, irayagura kandi irishira hejuru kugira ngo rizigame ivyagezwe vy’Imana kandi rivyigishe n’ayandi mahanga mu kwerekana ukugororoka kwayo. Igihe cose banyerera bakava kuri iyo ntumbero y’Imana mu kutubahiriza ivyagezwe canke mu gusaba imana z’abanyamahanga, barakubitwa bakagoka, bakicwa bakandagra, bagatwarwa inyagano mu yandi mahanga bagakoreswa ibikorwa vy’impahazwa. [2 Abami 17]
   Hanga Ryera ry’Imana ry’Abarundi, namwe mwaratoranijwe uyu munsi. Si ukugira ngo muzigame kandi mwigishe ayandi mahanga ivyagezwe kuko uwo wari umuhamagaro w’A bayuda. Umuntu canke umurwi ubigisha ivyo uba uriko urabazimiza ngo ubakwegere kuranduka. Mwebge mwahamagariwe gukwiza ubutumwa bgiza bg’umuvyuro n’ikanguro mu gihugu cose no mu mhanga mu bihugu vyose vyo kw’isi kugira ngo mutegure umugeni wa Yesu Kristo kuko isi igiye kurangira. Ukwo nikwo kwamamaza ishimwe ry’Uhoraho. [1 Petero 2:9] Uwo niwo muhamagaro wanyu. Mukisuka mu muhamagaro atari uwanyu, ni kuvuga uw’aba-Yuda cake uw’aba- ishimayeli, abambere bagendera ku mabgirizwa ya Mose abakabiri nabo kagendera ku
   vyagezwe vya Shariya. Mukavyisukamwo ntakabuza yuko Uhoraho Imana itabasiribanga. Nico kimwe naho mwoshika mwinywera amata n’ubuki mukisinzirira. Nico gituma inyishu y’ukuri ari C: Tuzoba dutanguye urugendo ruhambaye rwo kurondera iminyago dutwara mw’juru. Tuzoba turonse uburyo bgo gutegura umugeni wa Kristo Yesu twamamaza isi yose agakiza katanzwe ngo abantu bihane, batunganywe kandi bezwe twese twitegurire ukugaruka kwiwe. Be murimenyereza kuzana benshi kuri Kristo Yesu n’uyu munsi mu kurindira kuko uwo niwo muhamagaro wacu. Amen.
5. MURI CA GICIGU CANYUMA ABISIRAYELI:
   a) Bagiye batwaye ivy’iwabo n’ivyo Abanyegiputa.
   b) Bagiye imbokoboko kuko bari kumwe n’Uhoraho Imana.
   c) Bagiye ataco batwaye kuko bagiye bacitse mu ivyara vya Farawo. d) Bafashe inzira idashika kuko Mose yari yabahenze.
   Abana ba Isirayeli igihe bava muri Egiputa hakorekeye ibintu vyinshi kuko yari Uhoraho Imana yisidukiye. Mwokwibuka yuko Mose yavutse akanyegezwa mu rufunzo maze umukobga wa Farawo akamwitorera mugabo akamushira nyina amuvyara kugira ngo abe ariwe amwonsa. Aho rero nyina wiwe yararonse akaryo ko ku mumenyesha yuko atari umunyegiputa ari umunya Isirayeli imbere yuko ajanwa kurererwa ibgami. Umugambi w’Imana usanga urimwo urutonde ruhambaye. Mose nk’umwana w’umurerano w’umukobwa w’umuganzabami, yakuriye mu gihugu cari giteye imbere kw’isi yose mu bumenyi, ubuhinga, ubuvuzi, ivyagisirikare n’ibindi vyinshi vy’amabanga, yarize ubumenyi n’ubuhinga bgose mu gisirikare, ubuganga n’intwaro vyari bigezweho muri kirya gihe. Imana yariko iramutegurira kuzorongora ihanga ryayo.
   Ariko nkuko wari umugambi w’Imana yagiye kuva ku kirimba ajanwa kw’igishirizwa n’Imana mu buhungiro, ajanwa kwigishwa kurongora ubgoko bg’Imana yigishirizwa ku bitungwa. Yavuye inyuma y’inyamaswa mu bugaragwa ahoy amaze imyaka 40 aza gutora Ihanga rya Isirayeli kugira ngo arijane i Kanani, kuko amashure y’Imana yari arangiye. Ni muri ico gihe Imana yiyerekana mub’Isirayeli mu buryo bgishi bg’ibitangaza harimwo gutuma abanyegiputa babaha ifeza n’izahaba bagenda batwaye. [Kuvayo 12;35-36]
   Inyishu y’ukuri ni A yuko bagiye batwaye ivyabo nivyo abanyegiputa muri ca gicugu basohoka Egiputa. Aka kabazo kagomvye gusa n’akananira abantu mugabo umuntu yarakwiriye gusoma inkuru yerekeye ukugenda kwabo agaca atahura. Turiko turegereza ku musozo w’utu tubazo. Dusabe abatanguye gutanga iyishu ntibadebukirwe. Mukomeze gusoma ijambo ry’Imana n’ugukurikirana inyigisho z’ukuri kwose.
   Umwami Yesu Kristo Yamamare!

Hariho abantu bumva ivyo ijuru ritangaza bakivugira ngo ivyo niko vyamye na cane cane abanyamadini. Abadashira umutima ku kumenya yuko Uhoraho Imana dusenga yumva, yishura kandi akora nabo bivugira ngo ubgo ni ubusazi canke indoto z’abakizwa. Abo twahorana mu mirimo hanyuma tukabasezerera kubera ubugaba bgabo nabo bagenda barabundabunda babgira inzego z’igihugu mu butegetsi, mu butungane no mu nzego z’umutekano ngo ubuhanuzi n’ivyiyumviro vy’abarwanya leta. Abo bose twagura tubabarire yuko guhakana canke kwirengagiza ico Imana yavuze ata muti uba utoye kuko uhakanye canke wirengagije ntaco bihindura ku mugambi w’Imana. Abo nabo bagenda baratunga urutoke imburi n’ubuhanuzi ngo ni ukurwanya leta y’uburundi, ntibariko baragwanya Ihanga Ryera ry’Imana bariko baranigana n’Imana kandi nayo ni ingwanyi izobatsinda aho batari biteze. Umwami Yesu Yamamare !

Ntiwibagire yuko ushobora gukurikirana ibikorwa vyose vy’Ishengero rya Yesu Kristo IHANGA RY’IMANA: Ubutumwa, amasengesho, imburi, ubuhanuzi, intahe, amashimwe, indirimbo, umubatizo, isangira n’ibindi bikorwa vyose muri telefone yawe ngendanwa ku Nyenyero canke Application Mobile y’Ihanga Ryera ry’Imana yitwa ISEZERANO.
Amasengesho turangije, uko yagenze n’ivyo Uhoraho Imana yahishuye ntibigucike. Umwami Yesu yamamare!