*TWABIHEREWE UBUNTU NONE TUBITANGIRA UBUNTU*
Yesu ashimwe ncuti z’umusaraba. Hariho abantu benshi bumva dusenga bakibaza yuko ari uguheza umugenzo haba namba. Ku bicaniro vy’Ihanga ry’Imana biri mu gihugu no mu mahanga, abantu batondana imitwaro itandukanye kugira ngo basengegwe nkabatonda kwa muganga, akarorero ni abo mubona kw’iyo shusho . Nkako dusenga Imana ikiza indwara zose atanimwe ivuyemwo kandi abaza bose ku bicaniro vy’amasengesho vy’Ihanga ry’Imana batahana ijambo rikiza ry’Umwami wacu Yesu Kristo.
Uhoraho Imana iguma ikiza abana , abakenyezi, abasore n’inkumi, abatama n’abatamakazi benshi. Ijambo Yesu yavuze muri Mariko 16:15-18 ririko rirashitswa mw’Ihanga ry’Imana, mugihe hariho abahendwa ngo na satani arakora ibitangaza. Satani nta gitangaza akora, niyo yiganye Imana yacu, aguha itunga n’ukuboko kw’ububamfu akaritwaza ukuboko kwiwe kw’uburyo abanje ku kumarako abawe. Uwufise impari arabaza umuririmvyi Rose Muhando.
Dusenga Imana yumva, ivuga kandi ikora ibitangaza. Ni Imana ikiza, ibohora kandi igomba gushikana Ihanga ryayo my mu Burundi bushasha bw’ISEZERANO, ntihakagire ivyikurikiza Ihanga ry’Imana bibajuragirisha utujambo twimburakimazi. Umwami Yesu araganje!
Kera ishengero niryo ryatunganiriza igihugu. Mugabo ubu igihugu nico gitunganiriza ishengero. Abatazi Imana nibo basigaye bigisha abakozi b’Imana ingendo ibereye. Twahagurutse ngo dusengere abakorera Imana bose kugira ngo ibihishurire gusunba, ibahindure gusumba, ibahe ubwengenge n’ihishurigwa, ibakingire, yishure imitwaro yabo kandi ibahe inkomezi. Isengesho rirakiza, rirabohora kandi riratabara. Rikora ibitangaza
2 NGOMA 27:6 Nuko Yotamu aba uhambaye, kuko yagenda atunganya ingeso ziwe imbere y’Uhoraho Imana yiwe. Alleluya bwoko bw’Imana, Yotamu yabaye Uhambaye kubera yubashe Imana akava mu ngezo mbi, akava muvyo Imana yanka! Wewe nawe ubwo nturi rurangiranwa mu busambanyi? mu busuma? mu kudandahirwa? mukuvugagizwa utandukanya abana b’Imana? mu kuvugagizwa usambura igikorwa ca NDIHO? mu kwiyemera mu binyoma? mu gutoteza abandi? mu kwirema ibice? mu gukorera ivyaha bitandukanye mu mpisho? Eeee raba neza uhindukirire Uhoraho, utunganye ingeso zawe, ehe benshi bariko bakorera Imana ariko imbere y’Imana baboneka nk’ibivume, Imana ntibabona ku kivi, ehe benshi bariko bakoresha inkomezi z’umwiza, bararaguza, bagakoresha amangetengete kandi bari baramenye Imana, eeee, hindukira ube rurangiranwa mu vyiza ntube rurangiranwa mu bibi! Yesu kristo Umwana w’Imana Nzima n’Umwami! Alleluya, DUSENGE : Turagushimiye Mana yacu Turaguhimbaje Wewe Wera ni Wewe gusa dushima ni Wewe gusa dukorera ni Wewe gusa twizigiye ni Wewe gusa Imana yacu Uhambaye Ushoboye vyose ni Wewe gusa urema Dawe Mwiza uyu musi turizeye kuza kuturemera bishasha uyu musi uze kutubera umusi udasanzwe uyu musi imbabazi zawe zitubonekeho guko uwo ugiriye imbabazi biramenyekana icubahiro kirushirizeho kuba icawe mw’Izina rya Yesu Kristo Umucunguzi wacu Amen.
ZABURI 5:3-4 Uhoraho, mu gitondo uzokwama wumva ijwi ryanje : Mu gitondo nzokwama nerekeza ugusenga kwanje kuri wewe, nderetse. Kuk’utar’Imana y’intambirakibi; Umunyakibi ntazobana nawe. Alleluya Amen. DUSENGE : Mwami Yesu tuje imbere zawe muri kino gitondo tuguhimbaza Wewe Wadukunze urukundo rudashobora guharurika n’Ushimwe urabambwa natwe turabambuka ducika bazima n’ushimwe Ewe Mana yacu Turakwinginze Mana ushishikare kuturinda no kutuzigama uturinde ikibi cose Mana utwigishe kugenda nkuko ugomba no kugukorera uko ugomba n’ uko bikwiriye abera uyu musi bize kumenyeka kur’Imana yacu twiringiye Imana ishoboye vyose dushoborere vyose Data Wera uduhe ivyokurya bidukwiriye uyu musi uduhe inkomezi tubandanye urugendo rwo kukubaha no kugukorera icubahiro inganji no gufukamirwa bibe ivyawe ibihe vyose Amen.
YESAYA 49:13 Ririmba, mwa majuru; nezerwa wa si we; turika muririmbe, mwa misozi miremire, kuk’Uhoraho amaze umubabaro abantu biwe, kand’atewe akagongwe n’abahahajwe biwe. Alleluyaaaa. Muntu w’Imana, sinzi ivyo uriko uracamwo vyatumye ugaragara imbere y’Imana kuri IMPAHAZWA, Uhoraho Imana yawe ariyo Mana yanje yatewe akagongwe nawe ! Sinzi ikiguhahaje ic’ari co ? Uhoraho araje kukigukurako! Yoba ari ingwara, ubukene, kwankwa n’abatokwanse, kuvugwa nabi, gutotezwa n’abatogutoteje, ubupfuvyi, ubupfakazi, ubugumba, kubura akazi, sinzi, ariko Uhoraho yatewe akagongwe nawe, aravuze ngo RIRIMBA NEZERWA araje kugutabara araje kubiroranya araje kukwirura, Halleluya, DUSENGE : Mana Turagushimiye cane Ugize neza Mukunzi Mwiza Udatetereza raba turi bazima Mana kubw’imbabazi zawe zatubayeko n’Ushimwe, Shishikara kutugirira neza, Imbabazi zawe vy’ukuri zitubonekeho, ikigongwe cawe kibe kuri twe, bimenyekana Mana kuri mu ruhande rw’abakwizigiye, rw’abaguhamagara ijoro n’umurango, ni Wewe Mana Wenyene tweza amaso ni Wewe Mana We Nyene dusenga, icubahiro inganji ugufukamirwa bibe ivyawe ibihe vyose Amen.
Sentare nkuru ya Kirundo yategetse ko abanyeshure b’abakobwa batatu biga mu mwaka w’indwi, bagirizwa gufutanganya ifoto y’umukuru w’igihugu iri mu bitabo vy’ishure, baguma bapfunzwe mu kurindira ko amatohoza arangira.
Amakuru avuga ko abantu barenga 50 bapfuye ubwo imodoka ebyiri za bisi zagonganaga mu gitondo cyo kuri uyu wa gatanu mu mujyi wa Kintampo, rwagati muri Ghana, ku birometero 430 mu majyaruguru y’umurwa mukuru Accra w’iki gihugu.