UMUGAMBWE Mbohoza barundi FROLINA, ABANYAMURYANGO, URABIPFURIJE UMUSI MUKURU MWIZA WA PASAKA. ABARUNDI MWESE N’AYANDI MOKO YOSE ATAHURA UGUPFA N’UKUZUKA KW’UMWAMI WACU YESU KRISTO YATWITANGIYE KU MUSARABA KUGIRA NGO UMWIZEYE WESE AZOBONE IREMBO RY’IJURU MU BWAMI BUTAZOSHIRA KWA DATA WA TWESE YAREMYE IJURI N’ISI. 
MBONEWEHO GUKEBURA ABARUNDI MWESE, KO ; INZIGO, ISHARI, UBURYARYA HAMWE N’AMACAKUBIRI YABA ARAY’ AMOKO, INATARA, AMADINI NDETSE N’UGUKUMIRANA, ATAHO BIZOSHIKANA ABARUNDI BATORANIJWE KUBA UBWOKO BW’IMANA. 

IGIHE KIRAKUZE. KUTIHANA WARAKEBUWE N’ICAHA GIKOMEYE, RUHEBWA. IMANA YARATWIHANGANIYE BIHAGIJE. AMARASO NIYO YO NYENE YAYIREMEYE. UYASESA WESE NAWE AZOMENWA AYIWE ATA GITABARA. UMWAMBUZI, UMUSUMA, UMWICANYI, UWUSENGA IYO MU KUZIMU YIHETSE KU BIGIRWAMANA, AROTEREWE N’IHEREZO RITEYE ISONI RITAGIRA GITABARA. 

UBURUNDI N’UMUTIMA WA AFIRIKA, IGIHUGU GIKUNDWA N’IMANA YACU REHEMA. NTITUKABUGIRE UMUTIMA WA KIRANGA, NGO IMITUMBA YABWO YOSE YUZURE IMVA Z’INGORWA. 

MWESE BARUNDI, MWEMERERE UMUCUNGUZI WACU YESU KRISTO KUZUKA MU MITIMA YANGU, MU NGO ZANYU NO MU BIKORWA VYANYUWA, NTIBAGIYE MU MASHENGERO NO MU MIRYANGO YANYU YOSE. UMWAMI YESU AGANZE IMITIMA YANYU. MUGWIZE KWIGAYA. 

IMANA IBAFASHE, MUSHOBOZWE GUTAHURA KO IMANA IKUNDA UBURUNDI. 

NDABAKUNDA, NKABAGIRIRA N’IKIGONGWE. IMANA IBAFASHE KUVA I BUZIMU MUKAJA I BUNTU. 

Joseph L. KARUMBA