Ishengero rya pentecote Internationale ryo mu Kanyosha, muri komine ya Muha, ryahiye riratokombera, mu gatondo ko kur’uyu wa mbere igenekerezo rya 26 Ntwarante 2018. Abarongozi b’iryo shengero bavuga ko iryo sanganya ryavuye ku muyagankuba.

BUSANDO Cesar, umwe mu barongozi b’ishengero rya Pentekote International mu Kanyosha, amenyesha ko imvo nyamukuru zatumye urusengero rusha, ari umuyagankuba w’ishirahamwe REGIDESO.

BUSANDO Cesar amenyesha kandi ko, iryo sanganya ryatumye hononekara ibintu bitari bike, nk’intebe,ibitabo,n’ibikoresho vyatuma amajwi aduga .

Naho abegereye hafi y’urusengero bafashije mu kuzimya umuriro, uwo murongozi yemeza ko, uruhombo atari ruto.