Yesu umukunzi wacu mwiza, ashimwe cane. Shalom!

YESAYA 1:16-19 Ni mwiyuhagire, mwitunganye, mukureh’ibibi vyo mu bikorwa vyanyu bive mu nyonga zanje; mureke gukora ibibi, mwige gukora neza;

mushimikire imanza zibereye,mutabare abahahazwa, mucire urubanza impfuvyi,muburanire abapfakazi. Enda ni muze twitature, nik’Uhoraho agize; nah’ivyaha vyanyu vyotukura tukutuku, bizokwera derere nka shelegi; naho vyotukura nk’agahama,bizohinduka nk’ubwoya bw’intama y’umwero. Ni mwemera mukumvira, muzorya ivyiza vyo mu gihugu.

Uhoraho ashimwe cane kw’afise imbabazi nyinshi ku bantu biwe.Ntabwo aduhebera mu vyaha,ijwi ryiwe ryama ritwinginga ngo tumwiyegereze, iyo bitugoye tukamucumurako,aratwihanganira akatubabarira.Ntaco twamuburanye ni yakire ishimwe ko turi amahoro.

Ijwi ry’Uhoraho ririko rihamagara umuntu ari kure,yigize umuja w’icaha,Uhoraho yipfuza kumubabarira,amugirire neza,amuhindurire umwambaro,amuhindurire amateka hamwe n’icicaro.

iyo umuntu avuye mukinyavyaha aca aronka amasezerano meza,ahabwa abizeye nkuko tubisomye mw’ijambo ry’Imana.

Iyo umuntu yidibamiye mu caha yibazako aramahoro gusa nuko ntafise Mpwemu Yera umwongorera.Aka kanya kawe ni keza ngo ugaruke wihane, Hama natwe abari murugendo nidukomeze kandi dusabe Imana idushoboze kuyumvira nokuyigumako. Ivyo twacumuye yaravuze ngo ndabiguhariye ariko ntimuzobe mugisubira.

Ngwino tuje inama,tuyage kuvy’urugendo twatanguye ruja mw’ijuru, duhura n’imitego ariko kubwo gusenga Yesu aradutabara.

Dusenge: Mukunzi mwiza Uhoraho turagushimiye kubw’imbabazi zawe,harira Data abakeneye imbabazi zawe bose,Udushoboze kukwubaha, ni mw’izina rya Yesu Kristo dusenze twizeye, Amen.