Makamba : Ikigo OBR cafashe imatera zifise agaciro karenga imiriyoni 5

Amakuru ava mu kigo OBR amenyesha ko imatera 41 zifise agaciro k’amafaranga 5460000 y’amarundi zafatiwe mu ntara ya Makamba.

Hari haheze ikiringo kidashika n’ukwezi ikigo OBR kiri kumwe n’abajejwe umutekano gifashe ibitenge bifise agaciro karenga gato imiriyoni 5 z’amarundi bivuye mu gihugu ca Republika iharanira intwaro rusangi ya Kongo.

Kuri uwo munsi,umuyobozi w’ikigo OBR Audace NIYONZIMA yamenyesheje ko iyo ibidandazwa nk’ivyo bifashwe banyenevyo barihishwa amakori bakarenzako n’ihadabu,iyo batabigomboye mu kiringo c’ukwezi bikagurishwa icamunara.

Audace NIYONZIMA arongoye ikigo OBR yavuze ko abafashije kubifata bahabwa ibice 10 kw’ijana vy’amafaranga angana n’agaciro kavyo.

Publicités