Leta ya Amerika yagumijeho ingingo zishira Uburundi mu bihugu biri mu bihe bitoroshe

Nk’uko biri mw’itangazo ry’ibiro vy’umukuru w’igihugu ca Reta Zunze Ubumwe za Amerika Donald Trump, iyo ngingo yari yafashwe mu mwaka wa 2015 n’umukuru w’igihugu w’ico gihe Barack Obama, izobandanya gushika mu kwezi kwa Munyonyo 2018.
Muri iryo tangazo, ibiro vy’umukuru w’igihugu ca Reta Zunze Ubumwe za Amerika bimenyesha ko iyo ngingo yari yafashwe kubera ubwicanyi n’isinzikazwa ry’agateka ka zina muntu. Ivyo bikaba vyafatwa na Reta Zunze Ubumwe za Amerika nk’ibihungabanaya amahoro n’umutekano mu gihugu, no mu karere Uburundi buherereyemwo.

Ibiro vy’umukuru w’igihugu ca Reta Zunze Ubumwe za Amerika bikamenyesha ko ivyaboneka igihe ingingo yafatwa mu mwaka wa 2015 bikibandanya kwibonekeza, ari naco gituma iyo ngingo ibandanya gushika mu mwaka uza wa 2018.

Publicités