Umunsi wahariwe ikigazi mu Burundi ugiye guhimbazwa

HAKIZIMANA Emmanuel n’umwe aba muri zone Minago, intara ya Rumonge, avuga ko kuko igiterwa c’ikigazi kibafasha mu buzima bwabo bwa minsi yose, kikabafasha kandi kwiyungunganya.

Uwo munyagihugu avuga ko abantu benshi babona ibiva mu kigazi nk’amavuta gusa, kandi gishobora kuvamwo n’ibindi vyinshi bishobora gufasha mu buzima bwa minsi yose bigashobora no gushorwa mu bindi bihugu, gutyo bikazanira amafaranga y’agaciro igihugu.

HAKIZIMANA Emmanuel arashima ko uwo munsi wahariwe ikigazi mu Burundi ugiye guhimbazwa, kuko uzotuma ikigazi citabwaho gusumba uko vyahora, kandi n’ibiva mu kigazi vyose bikamenyekana, gutyo abakirima bagatera imbere.

Mwomenya ko umunsi wahariwe ikigazi mu Burundi, watangujwe n’umushikiranganji w’uburimyi n’ubworozi Deo Guide RUREMA, mu ntara ya Rumonge.

Publicités