Zimbabwe :Umukuru w’igihugu Emerson Mnangagwa yashinze Reta

Reta nshasha ya Emmerson Mnangagwa ifise igikorwa gikomeye kijanye no kunagura ubutunzi bw’igihugu hamwe no kugwiza ubuzi.

Umukuru w’igihugu Emmerson Mnangagwa yagenye umusirikare Sibusiso Moyo yatangaje ku mboneshakure y’igihugu ko igisirikare arico kigenzura igihugu mw’ijoro ryo ku wa 14 rishira ku wa 15 munyonyo 2017, kuba umushikiranganji w’imigenderanire.

Abandi mu bagenywe n’umusirikare yatwara igisirikare co mu kirere,Perence Shiri yagenywe kuba umushikiranganji w’uburimyi naho uwatwara ishirahamwe ry’abahoze k’urugamba Chris Mutsvangwa agenwa kuba umushikiranganji wo kumenyesha amakuru.

Iradiyo y’Abongereza BBC imenyesha ko abashikiranganji benshi bahora muri Reta ya Robert Mugabe bagumanye ibibanza vy’abo .

Bivugwa ko abenshi mu bahoze k’urugamba nabo baronkejwe akazi kuko bagize uruhara rukomeye kugira Robert Mugabe ave k’ubutegetsi na cane cane mu gutunganya imyiyerekano.

Publicités