Arusha: Umubonano wo mw’ibanga hagati y’umuhuza n’impande zitavuga rumwe witezwe kuri uwu wa kabiri

Amakuru dukura aho i Arusha amenyesha ko iyo nama yasivye kubera ivyavuye mu bikorwa vyo mu mirwi vyari bigishirwa nu rurimi rw’icongereza, ikaba yungururijwe kuri uwu wa kabiri.

Ayo makuru dukura i Arusha avuga ko bimwe muvyo abaserukiye Reta bashikirije mu bikorwa vyo mu mirwi, ari uko abagirizwa ugushaka gutembagaza ubutegetsi borengutswa mu butungane, n’ikibazo c’uguhinyanyura ibwirizwa shingiro ntikije muvyo baganira, kuko kubw’abaserukira Reta y’Uburundi n’abayishigikiye, iyo ngingo yafashwe n’igihugu c’Uburundi cigenga. Abaserukira Reta y’Uburundi ntibemera kandi ishirwaho rya Reta y’ubumwe ihuza bose, kuko nk’uko babishikirije, iyo Reta yoba isambuye ivyavuye mu matora.

Ku ruhande rw’abatavuga rumwe n’ubutegetsi, mu bikorwa vyo mu mirwi bakoraniyemwo, basavye ko ivy’uguhinyanyura ibwirizwa shingiro vyohagarikwa, abapfunzwe bagirizwa poritike barekurwe, imitahe irondeza abanyeporitike hamwe n’abadaharanira ivyicaro vya poritike ikurweho, hamwe n’ukwubahiriza ibiringo vy’umukuru w’igihugu biri mu masezerano y’i Arusha.

Abatavuga rumwe n’ubutegetsi bavuga kandi ko muri ivyo biganiro bokwiga ibijanye n’umutekano no hamwe n’ugushiraho umugwi utegura amatora wizewe.

Abitavye ibiganiro, yaba ku ruhande rw’abatavuga rumwe n’ubutegetsi canke abashigikiye Reta, bose biteze ico umuhuza aza gushikiriza mu mubonano wo mw’ibanga aza kugiranira n’abaserukira izo mpande zompi zitavuga rumwe. Ibizoba vyavuye muri uwo mubonano turabigarukako mu makuru yacu yo hanyuma.

Publicités

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s