Bubanza : Igice c’uburaro bw’abahungu kw’ishure ryisumbuye ETB bwahiye

Igice c’uburaro bw’abanyeshure b’abahungu kw’ishure ryisumbuye ry’ubuhinga ETB riri mu ntara ya Bubanza carahiye mw’ijoro ryo kur’uyu wa kane igenekerezo rya 7 Ruheshi 2018.

Umuvugizi w’ubushikiranganji bw’umutekano, Pierre NKURIKIYE, amenyesha ko uwo mucanwa wadutse nk’igihe c’isaha zibiri z’ijoro, aho vyikekwa ko wavuye ku muyagankuba.

Pierre NKURIKIYE avuga ko, ata muntu yahasize ubuzima canke akomereke, ariko amamatera baryamako ariyo yahiye aratokombera.

Publicités