Ibiciro vyo kwiyunguruza vyadugijwe

Ibiciro vyo kwiyunguruza hagati mu gisagara ca Bujumbura canke hagati mu gihugu vyadugijwe kuruno wa kane igenekerezo rya 9 myandagaro 2018 ,ivyo bikiba bishitse inyuma yaho igiciro c’igitoro kidugijwe.

Mw’itangazo ryasohowe n’ubushikiranganji bw’ubudandanji,ubushikiranganji bwo gutwara abantu n’ibintu hamwe n’ubushikiranganji bw’ubutare n’agataka rimenyeshako kubera ibiciro vy’igitoro vyadugije gushika ku bice 5 n’ibice 5 kw’ijana igiciro c’amafaranga yo kwiyunguruza mu gisagara ca Bujumbura ubu ari amafaranga y’amarundi 400.

Iryo tangazo rivuga ko ibiciro vy’abiyunguruza baja hagati mu gihugu vyiyongereyeko ibice bitarenga 5 kw’ijana mu gihe.

Mu bice biherereye ku mpera z’igisagara ca Bujumbura nka CARAMA,KIRIRI,RUZIBA,MARAMVYA,MIRANGO ROND POINT ,KAMESA ,RUBIRIZI hamwe na BUTERERE ivyo biciro vyiyongereye ibice 5 kw’ijana.

Publicités