Ubushikiranganji bw’indero,inyigisho z’ubuhinga hamwe n’imyuga bumenyeshako amanota y’abana bakoze ikibazo co kuja mu mashure y’akarorero yatanzwe ku biro bijejwe inkino ku makomine kuva kw’igenekerezo rya 2 Nyakanga 2018.

Mw’itangazo ryasohowe n’umushikiranganji w’indero,inyigisho z’ubuhinga n’imyuga,Janviere NDIRAHISHA amenyeshako abayobozi b’indero ku rwego rw’amakomine hamwe n’abayobozi b’amashure nshingiro bafadikanije n’abigisha mu mwaka wa 6 gutegura ikosorwa ry’ico kibazo cakozwe kuva kuruyu wa mbere.

Janviere NDIRAHISAHA avuga ko mu gihe habonetse aberekanye ko bihenze mu kubakosora bitegerezwa gushikira umurwi ubijejwe bitarenze igenekerezo rya 4 Nyakanga 2018.