Afirika y’Epfo :Umugore yibungenze yavyaye abana 5

Umugore yavyaye abana 5 mu bitaro vyitwa Clinix Botshelong Empilwe biri hafi y’igisagara ca Johannesburg mu gihugu ca Afirika y’Epfo.

Amakuru dukesha BBC avuga ko ikigo Clinix Health Group giserukira ivyo bitaro abo bana bavukiyemwo kimenyeshako abo bana babaye aba gatanu bavutse ari batanu murico gihugu kuva mu mwaka w’i 1960.

Ayo makuru avuga ko abaserukira ivyo bitaro bashikiriza ko ivyo ari ibisanwe iyo havutse k’umugore umwe abana barenze umwe icarimwe.

Amakuru atangwa n’abaganga bo murivyo bitaro avuga ko buri mwana yavutse afise ikiro kimwe kirenga kandi bose bahema neza.

Muganga Moeng Pitsoe ari murwi w’abaganga wavyaje uyo mugore avuga ko hari icizere yuko abo bana bose bazokura bafise amagara meza.

Abo bana batanu bavutse ni Siyanda, Sibahle, Simesihle, Silindile hamwe na Sindisiwe.

Bitegekanijwe ko abo bana bazova mu bitaro bamaze gukwiza ibiro bibiri umwumwe.

Publicités