Abantu benshi bari mu mabohero yo mu mitima n’amabohero y’imibiri.

YEREMIYA 52:31-34.

Muri aya majambo, harimwo ahavuga kuva mw’ IBOHERO.

Mw’ ibohero umuntu ashobora kujanwayo :

1. N’ ikosa canke amakosa yakoze.

2. N’ uko yasamaye , iki canke kiriya kikamwononekarana.

3. N’ uko abari hafi yiwe , canke abo bari kumwe bariko bararonderwa.

4. N’ uko ivyo amategeko y’ igihugu asaba atavyo afise. Akarorero kutagendana karangamuntu ( Identité) mu Burundi urashobora kubipfungirwa.

5. N’ uko bakubesheye.

6 .N’ uko uriko uvugira ibintu vyawe.

7. N’ uko wabaye isura ( Témoin) y’ ikinyoma.

8. N’ uko wavuze ukuri aho ikinyoma ciganje.

9. N’ ibindi n’ ibindi …

Ariko nta bohero ririho ribabaza nko kwumva mu mutima UBUZE AMAHORO. Ayo nayo , ashobora guhungabanywa :

– N’ icaha.

– N’ igeragezwa rizananye ku bitwa bene Data.

– N’ ibindi n’ ibindi…

Muze dusengere abari mu mabohero atandukanye , ngo Imana yo mw’ ijuru ibabohore.

Publicités