Namba wama usoma ijambo ry’Imana canke ukunda kuryiga; wishure kuri tuno tubazo:

1) Vuga ico aba bantu bariko barakora igihe bahamagarwa gukora umurimo w’Imana:

a) Elisa

b) Paulo

c) Simoni Petero

d) Mose

2) Aba bantu amazina yabo yarahinduwe bitwa ukundi, vuga uko bahora bitwa:

a) Aburahamu

b) Isirayeli

c) Sara

d) Yedidiya

Inyishu

1. Igihe yahamagarwa gukora ibikorwa vy’Imana:

a) Elisa yariko ararimisha inka ( Eliya kuko yari akeneye uwumufasha; amutererako umutamana wiwe nawe amenya ko akwiriye kumukurikira)

1 abami 19: 19-21

b) Paulo yari munzira ija i Damasiko kurondera abavuga izina rya Yesu ngo abashirishe mw’ibohero (ivyakozwe n’intumwa 9: 1-9)

c) Simoni Petero yariko araroba bari kumwe na Andereya mwene nyina. Yesu arababwira ati nimunkurikire nzobagira abaroba abantu. Matayo 4:18-19

d) Mose yari aragiye intama za sebukwe (Yetiro). Kuvayo 3: 1

2. a) Aburahamu yahora yitwa Aburamu. Itanguriro 17:5

b) Isirayeli yahora yitwa Yakobo, anigana n’umumalayika Imana ica imwita iryo zina. Itanguriro: 32: 28

c) Sara yahora yitwa Sarayi. Itanguriro 17: 15

d) Yedidiya ni Salomo risobanurwa ngo Uwukunzwe n’Uhoraho.

2 Samweli 12:25

Umwami Yesu abahe Umugisha no kumukunda kuko ariwe Jambo!

Amen!