Umukuru w’Igihugu Evariste Ndayishimiye yakoranije abaserukira amadini n’amashengero abahanura kuba abizigirwa no kuba intumwa z’Imana bareke kwiruka n’ibiguruka vy’iy’isi.

ISHENGERO RYA YESU KRISTO IHANGA RYIMANA RIZOGUMANA RIBERA AKARORERO ABIZERA BOSE

Inyuma yaho abungere b’Ishengero rya Yesu Kristo – IHANGA RY’IMANA rifatiye ingingo yo gusezerera burundu Freddy Sabushimike na bagenzi biwe 3, ishengero rigasaba imirwi y’abishushanya n’abakozi b’Imana guta hasi kuko Uhoraho Imana yihagurukiye kuroranya ivyo Ihanga ryiwe nkuko yabisezeranye; umukuru w’igihugu c’Uburundi Evariste Ndayishimiye nawe yahagurutse gihanura amaserukira amadini n’amashengero. Yabakoranirije mu gisagara ca Bujumbura.
Hariho abigira abakozi b’Imana bagenda barabundabunda mu moko n’imigambge, bagenda baratoza amafaranga mu bizera kandi bagatanga n’ibiturire mu nzego kugira ngo banyegeze amafuti n’ivyaha vyabo. Ivyo vyose biragahera mw’Izina ry’ubushobozi rya Yesu Kristo.
Hariho abigira abakozi b’Imana bisutse mu bgicanyi, abasambanya abizera, abiba, ababesha bagakora n’ibindi bizira binyegeje mw’ijambo ry’Imana. Aba-Kristo mwese mube maso kugira ngo icumu ry’abanyakibi rive mu mugabane w’abagororotsi. [2Abikorinto 6:14-18]
Turi ikivange ntaho twoshika, twohera mu bugaragwa. Abasenga mu Mpwemu no mukuri bategerezwa kumenyekana, indyadya, abiyorobetsi n’abigana ivyo Imana bakaja ahabona kugira ngo Ihanga ry’Abarundi risomorwe.