RDC : Abarundi 34 bishwe barashwe, abandi 124 barakomereka

Abasirikare b’ico gihugu bariko bagerageza gushwiragiza abarundi bariko batera amabuye abajejwe umutekano bariko barabarasa.

Muri iyo mishamirano yabaye kuri uwu wa gatanu, abo barundi bariko basaba irekurwa rya bagenzi babo bane bari bafashwe, bakaba bari bumvise ko bashobora kurungikwa mu Burundi. Amakuru ava muri ico gihugu avuga ko umusirikare umwe nawe yahasize ubuzima.

Mu bushikiranganji bw’intwaro yo hagati mu gihugu ca Repuburika iharanira intwaro rusangi ya Congo basigura ko abajejwe umutekano barengewe n’ubwinshi bw’abariko batera amabuye, nabo bariko barasa amasasu y’ukubashwiragiza.

Abandi barundi b’aho mw’ikambi y’impunzi y’i Kamanyola bakaba bazindutse kwugariza ahakorera ishami rya ONU muri ico gihugu (MONUSCO), basaba ko bohabwa insiguro kw’igandagurwa ry’abo barundi.

Mu butumwa yacishije ku muhora wiwe wa Twitter, Alain Aime NYAMITWE, umushikiranganji w’imigenderanire y’Uburundi n’ayandi makungu yasavye umuco ku vyaraye bibaye aho mw’ikambi y’impunzi y’i Kamanyola.

Publicités