Sudani y’Epfo:Umukuru w’igihugu yatanze ikigongwe kuri Riek Machar n’abandi bagwanyi

Umukuru w’igihugu ca Sudani y’Epfo ,Salva Kiir yatanze ikigongwe kuwo batavugarumwe Riek Machar asanzwe atwara umurwi w’abatavugarumwe na reta yiwe akongera akaba n’umukuru w’abagwanyi bitwaje ibigwanisho murico gihugu.

Mw’itangazo ryaciye ku mboneshakure y’igihugu ca Sudani y’Epfo,umukuru w’igihugu Salva Kiir yasohoye itegeko inomero 14 ryo mu mwaka wa 2018 ritanga ikigongwe cihariye kuri Riek Machar atwara umurwi witwa SPL-IO hamwe n’iyindi mitwe yose iri mu ntambara na Reta ya Sudani y’Epfo.

Ikinyamakuru The East African candika ko umukuru w’igihugu ca Sudani y’Epfo yategetse abasirikare kwemerera amashirahamwe akora ibikorwa vy’ubutabazi ku bantu bose babukeneye kandi amasezerano ajanye no guhagarika intamabara ategerezwa kubahirizwa.

Mu ndwi iheze niho umukuru w’igihugu wa Sudani y’Epfo na Riek Machar bashize umukono ku masezerano ajanye no guhagarika intamabara, kugabura ubutegetsi hamwe n’umutekano mu gihugu cose mu biganiro vyo kugarukana amahoro vyabereye i Khartoum muri Sudani.

Ayo masezerano abaye aya kabiri ashizweko umukono inyuma yaho ayasinywe mu mwaka wa 2015 atubahirijwe ku mpande zose.

Ishirahamwe mpuzamakungu ONU rimenyeshako intambara yo muri Sudani y’Epfo yatumye abantu baharurwa mu bihumbi bahatakariza ubuzima naho abagera umuriyoni nabo bata izabo.

Igihugu ca Sudani y’Epfo caronse intahe yo kwikukira mu mwaka wa 2011 inyuma y’imyaka itarenga 2 ica yinjira mu ntambara yatewe no kutumvikana hagati y’umukuru w’igihugu Salva Kiir hamwe na Riek Machar yari icegera ciwe.

Publicités

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion /  Changer )

Photo Google+

Vous commentez à l'aide de votre compte Google+. Déconnexion /  Changer )

Image Twitter

Vous commentez à l'aide de votre compte Twitter. Déconnexion /  Changer )

Photo Facebook

Vous commentez à l'aide de votre compte Facebook. Déconnexion /  Changer )

Connexion à %s