ABAROMA 1:16-17 Kuk’ubutumwa bwiza butantera isoni,ar’ubushobozi bw’Imana,buzanira uwizera wese agakiza,uhereye ku Muyuda ukageza ku Mugiriki. Kuko muri bwo ariho ukugororoka kuva Ku Mana guhishurirwa,guheshwa n’ukwizera kukagwiza ukwizera, nk’uko vyanditswe, ng’umugororotsi azobeshwaho n’ukwizera.

Agakiza twagahawe kubw’ubuntu. Ni co gituma ijambo ry’Imana riduhanura kutanjanjwa kugakiza. Umwami Yesu yakaduhaye bikwiye,rero tukabungabunge. Tureke Yesu atuganze. Twibere mu gakiza kiwe kuko yakaturonkeje arinze kubabwazwa.Twambare ukugororoka. Tubwire abandi ubutumwa bwiza bw’ubwami.

Nitwizera Yesu,ntaco tuzokena.Kuko ubwami ni ubwiwe,inganji ni iyiwe,ubutware ni ubwiwe. Ni we atwitwararika,akatuyobora,kandi aradusengera.

Dusenge: Data Uhoraho,turakwemera kandi turakunezererewe. Imbabazi zawe utugirira ni nyinshi. Ivyaha vyacu ubiharire kubw’amaraso ya Yesu Kristo.Uduhe kudatsindwa,uturinde kuguhemukako. Ni mw’izina rya Yesu Kristo twizeye, Amen.