Mu Burundi kuva tucaruka twakuze tubona abantu bicwa abandi bahunga bahorwa ubgoko bgabo. Uko imyaka yagiye irakurakuranwa hibonekeje ubundi bugizi bga nabo bgo kwicana, gukubagura abantu, gusahura igihugu, akarenganyo no kutitaho kurengera inyungu z’abanyagihugu.

Uyu munsi ikintu co kwica no guhohotera ikiremwa muntu umengo ni ikintu abategetsi baraba bakarenzako amaso kuko citirirwa guhasha inkozi z’ikibi, intahaha n’intumva. Ariko siko bimeze kuko ivyo ugirira abandi uba uriko urayegura gusubirizwa mu ndumane yaba wewe nyene canke umwana usize.

Kugira ubutegetsi uba wabuhawe n’Imana kugira ngo ukingire bose n’ivyabo. Abafise ubutegetsi bakwiriye kutubakira igihugu kizira ubgicanyi no guhohotera umuntu uwariwe wese nku biboneka kuri ayo mashusho. Uwubikoze agahanwa ntawundi yosubira.