ABAKRISTO MUGARUKANE IGITINYIRO C’UHORAHO IMANA MU BANTU

Abantu babayeho barihebeye Imana, iyo bariko baravuga ivyerekeye urupfu, bavuga yuko urupfu ari irembo ry’ijuru. Baba bariko bararemesha abasigaye canke bariko barabgira abakiriho yuko atawotinya urupfu kuko ariyo nzira yo kuja kubana n’Imana. Ariko bibiliya iratubgira neza yuko hariho abantu bagiye mw’ijuru kubana n’Imana badaciye mu rupfu. Aha twovuga nka Eliya [2 Abami 2:10-11] na Enoki yabayeho imyaka 365 [Itanguriro 5:21-24] baduze mw’ijuru ari bazima. Kuri abo hiyongerako Yesu Kristo yaduze mwijuru yabanje gupfa hanyuma inyuma y’iminsi itatu akazuka. Uwo ni MESIYA akaba Umwami n’Umukiza wacu. Niwe nzi n’ukuri n’ubugingo. [Yohana 14:6] Uwo niwe adusengera akadukiza urupfu.

Imana ivuze yuko inkota yayo imanutse kurigata abanyakibi mu Burundi, ku ruhande rumwe hariho mu bigira abakozi b’Imana baca bihakana ngo ni ubutumwa n’ubuvugishwa bg’iterabgoba. Ku rundi ruhande, hariho abiremesha ngo Imana ni inyarukundo, inyembabazi n’umugiraneza, mbere bakanda n’imirongo yo muri Bibiliya bokwishimikiza. Ico abo bigira abavugishwa b’ibinyoma biyibagiza n’uko Imana iyo yatewe ishavu n’abo yaremye bakarenga ivyagezwe vyayo, itica gusa mugabo irandura abantu. Ico gikorwa c’ubugororotsi, kuko ivyo Uhoraho Imana akora vyose bigororrotse, mu kukirangura ikoresha inzira nyinshi: (1) ibiza vy’ingwara, (2) imyuzure, (3) imiriro, (4) intambara, (5) ibikoko, (6) amabuye, (7) ibihomoka (8) Impanuka, (9) ….

Abishwe	Icaha bakoze	Uko bishwe	Aho vyanditse
20 milliyoni (ikigereranyo).	Kugira ububisha	Gusoma nturi	Itanguriro 6:7
Ibisagara vya  Sodoma na Gomorrah (Abantu 600-1200)	-Ingeso zononekaye, gushaka no gusambanya abamarayika -kuba abanyabgibone, kutitaho abakene, gukora ibizira, abagabo basambaya abanda, n’abagore basambaya abandi…	Bishwe baturiwe n’umuriro n’imvura y’ibizuku.	Kuvayo 19:4-5  Ezekiyeli 16:46-50
Muka Loti.	Yahagaze ngo arabe inyuma uko Imana isangangura ibisagara vya Sodom ana Gomora.	Yacitse inking y’umuriro.	Itanguriro 19:26
Er, impfura ya Yudah.	Kuba umunyavyaha mu nyoga z’Imana	Ntawuzi uko yishwe	Itanguriro 38:7
Onan mwene wabo na Eri	Kutubaha icagezwe co kudahonora muka mwenewabo  yari yapfuye mu gusesa intanga ziwe.	Ntawuzi uko yishwe	Itanguriro 38:9-10
Abana b’impfura bo muri Egiputa.	Farawo yakomantajwe umutima n’Imana yanka kurekura Ihanga rya Isirayeli riri muri Egiputa.	Umumarayika w’urupfu.	Kuvayo 12:29
Ingabo za Egiputa.	Banse kutubaha itegeko rya Farawo maze bakurikira isirayeli yigiriye.	Baratwawe basoma nturi.	Kuvayo 14:28
Nadabu na Abihu, abahungu ba Aaroni.	Gutanga ikimazi ku Mana n’umuriro utazwi.	Bishwe baturiwe	Abalewi10:1-3.
Abisirayeli batazwi uko bangana	Icaha co kwidogera Imana	Bishwe n’umuriro	Guharura 11:1-3
Igitigiri kitazwi n’abisirayeli	Kwidogera indya ngo bagomba gusubira muri Egiputa	Icago	Guharura11:4-35
Abatasi 10 barungizwe gutata I Kanai	Kwatura ikibi ngo haba ibigatanya	Icago	Guharura14:36-38.
Korah, Dathan, Abiram n’imiryango yabo mu gabo abana ba Kora ngo barakize	Bavuga ngo nabo barejejwe nka Mose na Aaroni.	Isi yarasamye irabamira bahabga babona.	Guharura 16:27-32 Numbers 26:11
250 Aba-isirayeli.	Abayoboke ba Korah	Bishwe baturiwe n’umuriro w’Imana	Guharura 16:35
14,700 Aba-isirayeli.	Bidoze ngo abayoboke be na Korah barishwe	Icago	Guharura 16:49
Igitigiri kitazwi c’abanya-isirayeli	Kwidogera indya y’umutsima.	Bishwe bakomowe n’inzoka.	Guharura 21:4-9
24,000 vyab’Israyeli	Ubushakanyi n’abagore bi Mowabu hamwe no gusenga Bayali..	Icago.	Guharura 25:9
Igitigiri kitazwi c’abamori	Gushaka guhangara ihanga ry’Imana no kurigwanya.	Iminana yo mw’ijuru	Yoshuwa 10:10-11
Hagati ya 70 ocanke 50,070 vy’abisrayeli. even at the source).	Baravye mw’isandugu y’isezerano.	Ntawuzi uko bishwe boba bashika muhira bakuma.	1 Samweli 6:19
Nabali.	Imana yishe Nabali ihorera Dawidi	Yapfuye akubiswe n’Imana	1 Samweli 25:38
Uzziyah.	Yabogoye isandugu y’isezerano	Ntawizi uko yapfuye.	2 Samweli 6:6-7
Umuhungu wa Dawidi na Bathisheba.	Ubusambanyi bga Dawidi na Bathisheba bgatumye Uriyah yicwa.	Ntawuzi uko yapfuye	2 Samweli 12:14-18
70,000 vy’abisirayeli	Umugararizo wo gukora ivyo Imana idashaka	Icago	– 2 Samuel 24:13, – 2 Samuel 24:1. – 1 Ingoma 21:1
Umuvugishwa atavuzwe	Yabujijwe n’Imana kurya mugabo arahendwa n’uwundi mu vugishwa ararya	Yatabaguwe n’intambwe	1 Abami 13:1-24
Umuhungu wa Jerobowamu	Gushitwa kw’ivyahanuwe	Ntawuzi uko yapfiriye mu maboko ya nyina.	1 Abami 14:10-18
Umuntu atavuzwe izina	Yanse kwica umuvugishwa nkuko abisabge	Yishwe n’intare	1Abami 20:35-36
Umwami Ahaziyah	Yasavye impanuri z’ubuganga uwusenga izindi mana na Bayali.	Yaguye mu gitanda kandi yariko arakira	1 Abami 22:51  2 Abami 1:16
Abasirikare 102	Kutubaha umuvugishwa Eliyah bakubaha Umwami Ahaziyah.	Bishwe baturiwe	2 Abami 1:9-12
Abana 42.	Batwenze Elisha ngo afise ubuhanza	Idubu z’ingore 2	2 Abami 2:23-24
Abanyamahanga bamwe	Banse gusenga Imana	Bishwe n’intare	2Abami 17:25-26
185,000 vy’abasirikare	Barwana n’Ihanga ry’Imana ry’Abisirayeli	Bishwe n’umumarayiko w’Uhoraho basinziriye	2 Abami 19:35
Yerobowamu.	Kugumukira Abiyah, umwami wa Isirayeli	Ntawuzi uko yishwa	2 Ingoma 13:20
Yehoram.	Gukora ikizira mu maso y’Imana	yishwe n’ingwara yatuma urura rusohoka.	2 Ingoma 21:14-19
Muka Ezekiyeli	Imana yigisha Ezekiyeli	Ntawubizi	Ezekiyeli 24:15-18

Turabiye hamwe abantu bishwe n’Uhoraho Imana, ni ama miliyoni n’ama miliyoni y’abantu yarigiswe n’inkota y’Imana, harimwo n’abakuru b’ibihugu canke abami. No mw’isezerano rishasha:

-Imana yarerekanye ugupfuha kwayo no gupfuhira icubahiro cayo. Umwami Herodi yambaye impuzu nyambarabami, avyagira ku ntebe y’inganji avuga ijambo. Abantu nabo baca barasemerera ngo: “N’ijwi ry’imana siry’imuntu”. Uyo mwanya nyene umumarayika w’Imana aramanuka aca aramwabiza, umwami Herodi bariko barishimira aturika inyo ako kanya nyene. [Ivyakozwe n’intumwa 12:20-25]

-Mwibuke inkuru ya Ananiya na Safira uko bapfuye [Ivyakozwe n’intumwa 5: 3-11]. Hariho abantu benshi bapfuye bishwe n’Imana ubgayo mu gihugu cacu n’ahandi henshi barahari naho batandikwa mu bitabo. Ehe abo Uhoraho Imana amaze kwimarira ko ishavu bakarigitwa.
Abo bazazi kwicwa n’Uhoraho Imana bose hamwe ubateranije bararenga na kure 24.994.828. Ivyo vyose vyavuye ku kugarariza Imana nk’uko biri uyu munsi.  Aba-Kristo bose aho bari mu gihugu cacu c’Uburundi, barakwiriye kugarukana igitinyiro c’Imana n’icubahiro cayo mu bantu. Ico mpwemu Yera ahishuriye abantu gukora cose ni icagezwe c’Imana co kwubahirizwa mw’izina rya Kristo.